快船廊

营业中

休息中

星期日夜晚跟同事去食，今期有一人一只大闸蟹，应该最多四両，正正常常，唔需要为蟹而过嚟。其他食物好普通，啲蚝同呢度见到嘅相差好远，比OS 10蚊蚝嘅质素更差。三文鱼刺身有骨，海南鸡嘅肉比较鞋，其他野食都普普通通，中式面建议唔好㨂粗面，好重碱水味。 甜品嚟讲比较好食嘅系tiramisu, 雪糕麻麻。冇特别影相因为真系好失望。职员态度麻麻，答你嘅时候唔会点望你，好唔耐烦咁。食到最后半个钟职员嚟提醒我地，然后问都唔问就收晒食蟹工具同沾酱，就算你仲食紧，仲有只蟹喺度，都照收，有啲惊讶。呢间嘅质素最多包加一五百蚊。考虑埋附近仲有咁多选择，真系唔会再嚟食。