八月花 (又一城)

营业中

休息中

今日出左去又一城行街shopping，然后就嚟左八月花食晚餐，佢推出左一个$298蚊既1人套餐，有鲍鱼有海参又有虾，咁就补补佢啦。咁一坐埋位，当然都系有个小食，$16个都算系咁，都几开胃既。到正式开始，先嚟左头盘《冷鲍鱼海蜇海螺》，海蜇比较淡无乜味，海螺片就有种似超级市场急冻御x皇既货色味道一样，就连鲍鱼都好似罐头开出嚟咁，实说真系有啲失望。然后，嚟左个《土鸡蜜瓜日月鱼》，炖汤都算足料既，既有蜜瓜清甜既味道，日月鱼既鲜味亦同样出色。《上汤焗大花虾》，每位有2只，卖相相当唔错，花虾亦都算大只，不过咬口就唔系太弹牙，但都唔会话霉既，鲜味亦都有，算合格咁啦。《珍珠海参鹿茸》，海参爽口弹牙，吸收左汤汁既味道，入味之余亦唔会太念，算系比较好的一道菜。套餐上只系得返《珍珠鸡》同《蜜饯脆麻花》，同饱都仲有少少距离，所以我地额外加左个《蟹籽蟹肉烩伊面》，上枱既时候热辣辣，卖相同味道都相当不俗，不过伊面就念左少少，如果煮短时间少少就更好喇。《珍珠鸡》同《蜜饯脆麻花》应该算系同以上菜色最唔match既𩠌。珍珠鸡本身又唔系特别出色，而脆麻花甚至可以讲系难食，既不松脆，蜜糖又有一阵怪味，真系扣哂分。