米走雞 (太子藍馬之城)

营业中

休息中

几年前食过，今次再同一班朋友一齐食。比起几年前嘅质素，今次嘅食物水平明显差啲。首先，新出嘅花胶桃胶骨胶鸡煲系唔错嘅，汤都可以饮。墨鱼滑，鸭血同西洋菜都唔错。但系芝士鸡煲就好一般，冇以前咁好食。更加大嘅问题系牛肉同蜂巢豆腐。$130嘅和牛得四片， $280嘅牛颈脊都系得8，9片，唔知系咪冇解冻好，滚完之后，嚡熠熠，水准仲要差过谭仔，最令人失望。蜂巢豆腐系直程离谱，喺急冻柜直接攞出嚟结晒冰一块块砖咁。埋单一人$320 ，唔贵，但系完全唔值呢个价。会情愿食任食嘅火锅。PS：全场得三个侍应招呼，好多次成枱好多净碟垃圾，要举好多次手先至有人过嚟收。