影片
更多
2021-11-24
85 浏览
美孚喺我心入面一直都系美食沙漠，但估唔到原来有一间隐世omakase餐厅！性价比仲要好高！我同老婆分别叫左一个Omakase餐同一个寿司10贯餐，价钱比同类型餐厅系较抵，但估唔到佢哋服务真系好周到。师傅喺你面前整就基本啦，仲会好细心咁问我地有咩唔食，同好详细咁同我地解释每一件寿司刺身嘅产地，同点解佢会选择用某个方法去料理/调味。👍🏻而且师傅好有亲和力，唔会好似之前我去过一间都几出名嘅omakase师傅咁摆起一副高高在上嘅态度去应付客人。对我黎讲，omakase食物质素固然重要，但其实师傅态度, 技巧, 服务同埋与客人既interaction系omakase最紧要既一part！👍🏻讲番食物方面，定食有沙律、前菜、茶碗蒸、刺身、寿司、面豉汤同甜品，依啲基本嘢一样都唔会少，佢地嘅渍物食得出系高级货，问下师傅先知原来佢地拣咗一款贵价渍物比客人食，依啲细节位都做得好，果然唔错！刺身 - 整体黎讲刺身质素高，新鲜无雪味，厚度适中，而且一定系不时不食。特别一提系老婆个omakase set 有件肥美拖罗但我个寿司10贯餐无既, 而我又好想试, 师傅好贴心咁将件刺身一分为二, 我同老婆都可品尝到拖罗既
我同老婆分别叫左一个Omakase餐同一个寿司10贯餐，价钱比同类型餐厅系较抵，但估唔到佢哋服务真系好周到。
师傅喺你面前整就基本啦，仲会好细心咁问我地有咩唔食，同好详细咁同我地解释每一件寿司刺身嘅产地，同点解佢会选择用某个方法去料理/调味。👍🏻
而且师傅好有亲和力，唔会好似之前我去过一间都几出名嘅omakase师傅咁摆起一副高高在上嘅态度去应付客人。对我黎讲，omakase食物质素固然重要，但其实师傅态度, 技巧, 服务同埋与客人既interaction系omakase最紧要既一part！👍🏻
讲番食物方面，定食有沙律、前菜、茶碗蒸、刺身、寿司、面豉汤同甜品，依啲基本嘢一样都唔会少，佢地嘅渍物食得出系高级货，问下师傅先知原来佢地拣咗一款贵价渍物比客人食，依啲细节位都做得好，果然唔错！
刺身 - 整体黎讲刺身质素高，新鲜无雪味，厚度适中，而且一定系不时不食。
特别一提系老婆个omakase set 有件肥美拖罗但我个寿司10贯餐无既, 而我又好想试, 师傅好贴心咁将件刺身一分为二, 我同老婆都可品尝到拖罗既脂膏丰腴，老婆赞不绝口！
当中仲有好几款寿司都好想特别赞赏一下：
白甘鲷寿司：本应系一款淡鱼味既刺身鱼，但唔知点解食落口有种微微既回甘味，层次相当丰富，师傅特登唔出声，等我试完先问我系咪食到微微既果香味，的确系！听师傅讲，原来系因为依款鱼用特别饲料喂饲，所以先会有微果香！
银雪鱼寿司：烧银雪鱼油香足就大家都知，但师傅特别用新鲜七味粉微微咁调味，比一般支装既七味粉香更多，而且唔会得个辣字，同银雪鱼配合得好好。
脑天寿司：大中细拖罗真系一般连锁寿司店都有我食，但我敢肯定吞拿鱼脑天真系好少地方有😲师傅话我地知脑天系吞拿鱼头既肉，油份丰富，鱼味十足，筋位少，师傅微微烧一烧脑天去迫出油份，再配上炸过既日本京葱丝，可能因为产地关系，葱丝味道唔会过重，微微葱香更加带出到脑天既鱼味，系全晚我最爱既寿司！🤤
秋刀鱼寿司：师傅发办嘅原意其实就系比师傅选择当造嘅鱼比食客，秋刀鱼就系秋刀最佳嘅鱼，鱼脂特别丰厚，质感浓郁。师傅将表面微微烧香，激起清爽带油香的滋味。再搽上少少酱汁，加埋少少新鲜嘅青葱同姜，令秋刀鱼味道更富层次感，一试难忘！老婆话好味到想喊😂
一如我上面提到 ，其他刺身质素都好出色，好似海胆够多又够鲜，omakase套餐刺身丼足料又高质（又有海胆呀！），烧左口鱼够香又够油。
10贯寿司餐仲要配乌冬，真系无办法一一数尽，甜品都系自家制，甜度适中，为美好既一餐画上一个好好既句号。
张贴
