雲壽司 (聯成商業中心)

营业中

休息中

平时都想食高质嘅日本菜，但如果食得好贵，银包又会喊，好彩揾到一间价钱合理，味道又好味嘅餐厅。店主嘅理念系行平价路线，而有一定嘅品质保证，所以性价比超高。今次点左特上寿司拼盘赤贝嘅外表色泽亮丽，非常吸引，食落好鲜甜同爽脆。平时多数都系食熟食嘅鲭鱼，今次试下生鲭鱼嘅口感。佢食落冇鱼腥味，试到鲭鱼嘅鲜味同鱼油香气。深海池鱼嘅口感几钟意，食落肉质肥美，入口都系充满鱼油味。平时都几钟意食清淡嘅刺身，真鲷食落都好鲜甜。从吞拿鱼腩嘅外表就知道佢一定肥美香滑，佢食落鱼香浓郁，有入口即溶嘅感觉。好钟意食刺身虾，佢真系好肥美，食落都好爽脆，有虾嘅鲜甜味。最近爱上左左口鱼边，因为佢又肥美又爽口又有鱼油味，火炙后鱼油渗出， 鱼油味更加浓郁甘香，入口即溶。海胆 军舰食落入口即溶同甘甜，质感细腻同creamy，有入口即溶嘅感觉。三文鱼籽粒粒晶莹剔透，里面都系鱼油嘅甘香，口感脆嫩。葱吞拿鱼腩寿司嘅味道同吞拿鱼腩寿司差唔多，但多左葱嘅微辣味，同吞拿鱼蓉几夹。