早安越南 (已結業)

经历了一个幸福美满的晚上，能够与中学时的好朋友一同出来聚餐，又可以尝到美味的越菜。价钱相宜，地方又坐得舒适，早安越南算系一个不错的选择，而且之前来过，对呢度的食物都有信心，今次再来，试咗唔同的嘢食，更加觉得有惊喜！海南鸡虽然细细碟，不过两人份量都算够食嘅，而且帮你去晒骨，啖啖肉，鸡肉又好滑！有成三个酱汁，最欣赏个甜豉油! 虽然颜色好深，但其实唔系好咸的。仲叫咗个马拉盏炒莲藕苗，马拉盏知系咩味，但莲藕苗真系未食过，出来嘅效果我哋都好满意。原来莲藕苗系细细条好爽口嘅菜，佢仲伴咗芽菜同芹菜一齐炒，上前仲放左啲炸蒜，锦上添花！马拉盏炒得好惹味，但又唔会话太过辣，芽菜芹菜丝同莲藕苗都系爽脆的，所以呢味菜选材方面好搭调！点菜时叫莲藕苗仲怕会唔会唔啱食，中伏，估唔到呢味菜叫我地十分之惊喜。个生菜包有少少特别之处就系，佢会加一片薄薄的粉皮，肉馅方面真系冇得弹，个啲肉好香，香料捞得个味道刚刚好，小小辣，几刺激。灵魂所在就系其中的柠檬叶，柠檬叶独特的香味引发左肉的鲜味同香料的微辣，呢个合体令到呢个生菜包的馅料好精彩，仲想赞叹一下佢块生菜，真系超甜超爽超新鲜！我同朋友都不约而同咁发现原来一块咁高质嘅生菜可以