好好運快餐店 (已結業)

荔枝角工厂众多，要揾食真系要晒啲脚骨力！openrice 有一间十分出名沙嗲牛既小食店，但系大家又整力推介佢嘅酸辣米线，所以我一于试一试到底有几好味！呢间小店嘅正门十分之难揾，其实佢既正门系一间大厦里面，真系唔系喺𠮶头做嘢都几难揾，但系你揾到之后就会揾到美食天地！想食呢间米线，如果堂食嘅话最好11:45之前到到，因为只要搭正12点，就会出现一条长长人龙！虽然店内流动率十分快，但系我都倾向打电话落单，外卖返公司慢慢食😂😂推荐：⭐️酸辣鸡翼米线：首先鸡翼同米线会分开摆放，咁样鸡翼就唔会比啲汤浸林！鸡翼应该有用酱料腌制，再炸，外皮酥脆而内里滑嫩多汁。米线酸辣汤底并非与一般米线店，汤底真材实料，有时会有鸡脚或者猪骨。相信店家为求酸味更加突出，亦于汤底内有放柠檬，十分出色！米线以及汤会分开装，拎到返公司都唔会浸林☺️✌🏽有同事亦都试过食沙嗲牛肉饭，味道十分浓郁，而牛肉亦都嫩滑，值得一试！味道：🌼🌼🌼🌼🌼服务：🌼🌼🌼环境：🌼🌼🌼抵食：🌼🌼🌼🌼