影片
更多
2024-05-01
2011 浏览
呢间餐厅好多年前食过，印象都几好，储落好多熟客，今次特登揾返佢嚟食！今次叫咗佢最新出品嘅拌面系列，嗌咗个「藤椒麻酱拌面」（$75） 配四大名醋之镇江骨拉面，佢都有唔同面底可以配，我就觉得麻酱拌嘅话，都系拉面正啲，呢款面虽然有啲邪恶，但真系正到不得了，佢嘅藤椒好香口，入口真系一秒麻痺神经，加埋啲椒麻油香气，惹味非常，捞埋麻酱，补足返啲芝麻甜香，再加上一大堆青瓜，整个菜式又清新，味道又够复杂。而镇江骨系另上嘅，令两个汁唔会捞埋一齐，镇江骨都炆得好冧，酸酸甜甜，十分好食。怀念药膳汤底，所以另一个就嗌咗「成年人不作选择刀削面」（$80），个名够晒盏鬼，其实就系指「香滑落汤鸡、牛颈脊同猪软骨」，首先要赞嘅系个药膳汤真系好正，Keep到水准！鸡嘅数量唔算好多，但都够食，落汤鸡就唔系追求嫩滑嘅口感，但就好配到个药膳底；而牛颈脊同猪软骨都几有水准，煮得够冧同入味，一碗面有咁多配料我已经好满意喇！食得丰富啲加啲小食，加咗一只「药膳糖心蛋」（+$12），糖心蛋真系game changer，加落个面度超好食，流啲蛋浆出嚟超yummy另外加咗一客「蒸鲜肉大白菜及小棠菜云吞（两粒）」（+$12），大粒到爆！而且
今次特登揾返佢嚟食！
今次叫咗佢最新出品嘅拌面系列，
嗌咗个「藤椒麻酱拌面」（$75） 配四大名醋之镇江骨拉面，
佢都有唔同面底可以配，我就觉得麻酱拌嘅话，都系拉面正啲，
呢款面虽然有啲邪恶，但真系正到不得了，
佢嘅藤椒好香口，入口真系一秒麻痺神经，加埋啲椒麻油香气，惹味非常，
捞埋麻酱，补足返啲芝麻甜香，再加上一大堆青瓜，整个菜式又清新，味道又够复杂。
而镇江骨系另上嘅，令两个汁唔会捞埋一齐，镇江骨都炆得好冧，
酸酸甜甜，十分好食。
怀念药膳汤底，所以另一个就嗌咗「成年人不作选择刀削面」（$80），
个名够晒盏鬼，其实就系指「香滑落汤鸡、牛颈脊同猪软骨」，
首先要赞嘅系个药膳汤真系好正，Keep到水准！
鸡嘅数量唔算好多，但都够食，落汤鸡就唔系追求嫩滑嘅口感，但就好配到个药膳底；
而牛颈脊同猪软骨都几有水准，煮得够冧同入味，一碗面有咁多配料我已经好满意喇！
食得丰富啲加啲小食，加咗一只「药膳糖心蛋」（+$12），
糖心蛋真系game changer，加落个面度超好食，流啲蛋浆出嚟超yummy
另外加咗一客「蒸鲜肉大白菜及小棠菜云吞（两粒）」（+$12），
大粒到爆！而且有好多肉，更加饱肚，又唔会太heavy
最后呢款「香酥炸小云吞（十粒）」（+$12）比较少见，
脆卜卜之余又细细粒，可以过吓口瘾
最后加杯冻奶茶（+$9）（少甜少冰），
作为奶茶控嚟讲，呢杯我觉得都中上，奶同茶嘅搭配都几均衡，
奶味出少少
埋单都系一人一百蚊，食到揽住个肚走！
张贴
