麵館皇

营业中

休息中

呢排心血來潮去咗麵館皇試吓佢嘅刀削麵，一入到去已經聞到陣陣藥膳香，真係好開胃！首先講講佢嘅皇牌「成年人不作選擇刀削麵」，個名都幾搞笑，不過食落真係幾過癮！個藥膳湯底熬得好有深度，唔會死鹹，有陣陣當歸同杞子嘅香，好香醇。個湯飲落去暖笠笠，啲配料都係重量級，三款肉類全部都煮到入味，尤其係個豬軟骨，質地爛溶溶又唔會太面，咬落去仲有膠質，好正！至於隻雞肉同牛肩脊都係火候適中，軟嫩多汁。最重要係個刀削麵，啲麵條厚薄啱啱好，韌度十足，好有嚼勁。另外仲試咗個麻辣牛展芫荽刀削麵，辣度適中，麻香味夠晒，配埋啲牛展同芫荽，香辣味層次豐富。牛展片薄身嫩滑，唔會太韌，好易食。啲麵條吸晒啲湯汁，食落去層次感好豐富。最後講吓佢嘅宮廷煎韭菜雲吞，真係一絕！外皮煎到金黃香脆，裡面嘅餡料係韭菜同豬肉，味道層次豐富，肉嫩多汁，韭菜清香夠晒味，仲要唔會太韌。個煎法好專業，外脆內軟，蘸埋啲特製豉油麵館皇啲嘢食份量十足，價錢合理，最重要係啲嘢食夠水準，個個都係有誠意之作，絕對值得再去！

今日黎到銅鑼灣 去咗登龍街搵嘢食 見到呢間 麵館皇 門口睇到餐牌見到口水雞好吸引🤩 即刻決定要入去食～ 入去坐低睇睇餐牌 見到有期間限定嘅夏日之拌麵 即刻要捉緊夏天嘅尾巴😗 決定叫一個嚟試吓😬 四大名醋之鎮江骨鎮江骨勁香醋味 啲肉煮得好腍 勁易起骨😍 酸酸甜甜勁開胃👍🏻 藤椒麻醬拌麵主角黎啦😍 一上枱時超香藤椒同埋麻醬味！麵底揀咗拉麵 煮得啱啱好 煙靭有咬口 醬料勁足夠 撈晒成個麵 好夾好好食 大推👍🏻 溫馨提示：辣度好足夠🌶️ 怕辣可以試小辣先🤣 秘製麻辣口水雞 口水雞勁大份 仲要係雞髀位 超吸引😍 味道好足 雞肉滑 必點！揀左手擀麵 條條形狀都唔同 薄薄一片 吸埋啲湯汁 仲要用砂鍋上 食到最後啲湯仲係熱辣辣😋 香酥炸小雲吞跟餐加咗個小食～ 超迷你嘅雲吞仔😬 食落香脆唔油膩 不錯😌 蔥油餅大推！呢個蔥油餅勁出色🤤 建議一定要加雞蛋！煎得金黃香脆 加埋蛋香 一定要襯熱食！ 整體嚟講 呢間 麵館皇 食物質素不錯 店員服務態度好 一定會再嚟食佢嘅蔥油餅同埋拌麵😋

老公最近調咗去銅鑼灣返工，附近登龍街真係勁多餐廳😅 有一半以上對我嚟講都幾吸引係我想試嘅🤓今次呢間麵館皇率先成為幸運兒😂 但略為失望🙈⭐️麻辣口水雞藤椒麻醬拌麵碟口水雞望落好大碟，但係食落冇乜肉😅😅麵質麵粉感比較重，唔夠煙靭🙈 但都叫做合格既麻醬偏多食到最後有啲膩⭐️鎮江骨菜飯鎮江骨賣相一般🙈食落有啲似肉骨茶嗰啲骨，質地偏柴😅個汁就有啲似溝稀咗嘅豬腳薑，都岩我口味菜飯就只係有啲油味完全冇飯香味，不太好吃🙈🙈服務態度幾好👍 但呢間對我嚟講應該試一次就夠😂😂

前兩日去咗登龍街食lunch， 天氣涼咗突然間 醒起有一間食藥膳罐湯拉麵🍲， 當日去嘅時候大約三點幾， 過咗午市繁忙時間， 所以一去到即刻有位😊坐低就叫咗佢個招牌秘製麻辣口水雞灌湯拉麵🍲， 大約等咗五六分鐘已經有得食， 佢最正係原煲熱辣辣滾住上，啱曬冬天嘅時候食， 之前食過佢個秘製麻辣汁都幾辣🌶， 不過其實可以另上辣汁， 我就揀咗小辣，佢個雞做得好嫩滑😋， 同埋底下都仲有啲青瓜可以食👍 之前食過佢另外仲有個豬軟骨菜飯 都值得推介✨️

今日黎到銅鑼灣搵食，又想食湯面，見到呢間麵館皇，一於入去試下餐廳環境都似小店經營，地方唔算大，但係都坐得幾舒服，店員既服務都好好餐牌有唔同既湯面揀，另外仲有雲吞食，仲有新推出既拌面首先我地揀左花鵰醉雞刀削面，刀削面煮得岩岩好，Q彈有勁，係藥饍湯同埋用鐵鍋上，所以好香好熱醉雞另外分碟上，雞肉肉質鮮嫩，味道特別香，醉雞的醬汁好入味另外我地仲叫左雙拼雲吞，揀左酸辣湯底，呢到既雲吞比較似水餃咁大大粒，大白菜小棠菜雲吞，餡料新鮮，咬落去有肉汁，加埋菜比較有咬口，個口感幾豐富，食落去好舒服，完全唔會油膩，粟米雲吞就有好多粟米，食落就比較普通，不過都好食，酸辣湯，就好有驚喜，首先個湯底唔稀，酸味和辣味平衡得非常好，裡面仲有豆腐等唔同既配料，口感層次豐富，掛埋係雲吞上面好夾最後，我地仲叫左個小食麻辣豬耳，豬耳脆口，辣味十足，而且份量好多，好抵食總括來講，呢到既每一道菜都好美味，食材新鮮，味道正宗。而且價位合理，係銅鑼灣不失為一個好選擇

今天，我踏入了銅鑼灣登龍街的麵館皇，這間餐廳已有30年的歷史，最近由第二代接班人接手。對於刀削麵，我一直有著濃厚的興趣，特別是以手工製作的。成年人不作選擇 $80菜名十分有趣，湯底是餐廳的招牌，使用藥膳熬製而成，味道濃郁卻不過於鹹，當歸和杞子的香氣交織，讓人感到溫暖舒適。湯喝下去，暖意透入心田，配料方面，三款肉類的表現也頗為出色。特別是豬軟骨，肉質鮮嫩且富有膠質，咬下去令人滿足。香滑落湯雞同特級手切牛頸脊同樣軟嫩多汁，十分抵食。選擇了手擀麵，條形不一，薄薄的麵片能夠完美吸附湯汁，最後在砂鍋中享用，湯始終保持熱度👍🏼麻辣口水雞 $68另一道必試的菜式是秘製麻辣口水雞，份量驚人，使用的是雞脾位，肉質滑嫩。口感上，雞肉的鮮香與麻辣醬的濃烈交融，手工刀削的麵條粗細不一，煙韌彈牙的質感。小食 加$12我還點了蒸鮮肉北京水餃和香酥炸小雲吞，水餃皮薄餡多，味道鮮美；而小雲吞則是香脆可口，讓人一口接一口🎈麵館皇🎈登龍街32號地舖

上星期五 行完sogo thankful week去左登龍街dinner 搵左間上海麵館醫肚酸辣湯韮菜雲吞麵 $65平時我最鍾意食酸辣湯麵 所以見有酸辣湯麵一定會揀 呢碗好好味 好味到成碗湯飲晒 好多配料 豆腐乾 木耳絲 份量夠 又好抵 推介推介藥膳糖心蛋$12跟餐加左隻糖心蛋 整得岩岩好 唔太生唔太熟 好質又好味 讚讚涼拌青瓜（細）$12跟餐再加左涼拌青瓜 份量岩晒一個人食 青瓜同個汁好夾花雕醉雞（例牌）$68Happy Friday 想食得再豐富d 叫多個例牌花雕醉雞 份量好足 雞又入叫 最開心係比左成隻雞脾我 Yummy凍檸樂$11忍唔住叫左杯凍檸樂爽一爽Overall 呢間真係平靚正 性價比極高 下次同朋友黎登龍街一定要再食

銅鑼灣的麵館皇是一間價錢親民的餐廳，提供正宗的上海麵食，不但有傳統經典的風味亦有混合創新風格的口味，選擇都相當豐富。這裡的藤椒厤醬拌麵 成人不作選擇 特別受歡迎，所謂「不作選擇」，其實是因為這道菜的餸菜搭配有齊了雞肉、豬肉和牛肉，讓人一次過試晒咁多種肉類。拉麵方面，彈牙的麵條搭配香濃的麻醬，讓人吃了不會覺得油膩，而藤椒的麻感則十分突出，層次感豐富，令人一試成主顧。這道麵的味道真是讓人欲罷不能。另外，麻辣牛展也是必試的選擇，份量十足，牛展肉質軟嫩，入味極佳，加上麻辣醬油的調味，讓整道菜品更加惹味，適合中意重口味的人士。小食讓人可以根據自己的口味調整辛辣程度，當日選的小辣口味，對於不太吃辣的我已經十分足夠。

午餐想一個人享受片刻的寧靜，於是自己一個食，叫咗「成年人不做選擇」，一次過食晒三款不同的肉類，分別有香滑落湯雞、家鄉祖傳豬軟骨以及特級手切牛頸脊，好好彩可以食到原隻雞髀，三款肉之中，最欣賞雞肉，肉質鮮嫩，雞味濃郁，咬落去吾會過於煙韌，最重要係見唔到血🙈，呢樣非常緊要！而喺麵底方面，叫咗麻醬刀削麵，刀削麵軟硬適中，配有青瓜絲，最鍾意佢麻醬嘅份量充足，不會過於油膩，啱晒重口味嘅我 😆，買單$80！🙌🏻

放工突然想食上海菜飯就入左呢間食，估唔到大中伏。入去時大約 8點, 睇左陣 menu 就手機落單：瑤柱牛腩菜飯，熱奶茶。點知落完單侍應先講已經無晒飯兼唔會再煮，要我揀返麵食。夜繽紛都唔至於8點就無飯呀？不過既然都坐低左，就順佢意轉藥膳拉麵。轉個頭佢又同我講洗左茶機無得沖熱奶茶。我心諗又無，唯有聽佢講轉凍奶茶。但以上都係小事，但主菜先真係出事。首先佢上左碟得 5-6舊仔既牛腩（收緊70幾蚊）一食，臭既。我畀多次機會，食啖麵飲啖奶茶，再揀另一舊食，都係一樣既臭味。似係牛腩處理得唔好，或者調味料出事。實在太臭入唔到口，我又無理由放佢係到齋食麵。我就同侍應反映，要求幫我換炸豬扒，好在侍應都爽手幫我轉，仲計返平俾我。但！！！個炸豬扒黎到係好鞋又好咸，佢仲要淋豉油上去…不過起碼唔係臭。我見過鬼怕黑，快快手食完就閃人，埋單 $75。依加回想，我落單時既期望同最後食既野完全唔一樣，而且體驗奇差，兩款肉既質素亦唔好。銅鑼灣有其他更好食 & 抵食既選擇，完全唔推薦呢間。

呢度喺銅鑼灣登龍街，呢度有好多嘢食。就揀咗呢間地道麵店。啱呢度都選擇，我就叫咗秘製拌麵，秘製麻辣口水雞。頭先講下個秘製拌麵，麵底煙韌好味，小麥味濃鬱。賠償秘製醬汁非常之惹味。秘製麻辣口水雞，麻而不辣。唔食落去口味麻麻的。雞肉鮮嫩嫩滑。雞皮輕易分開最啱唔食雞皮的我。雞肉爽口，多汁。秘製紅油抄手，唔算太辣，細細粒易入口。爽口好味，令人回味無窮。用檸檬紅茶，用上新奇士檸檬酸酸地好味，紅茶底香。服務員服務也好好！

平時嚟呢度食多數係冬天，因為佢啲面係用個鍋上，夠晒熱辣辣，冬天去食就最啱。雖然今日好熱，但突然間好想食口水雞，都照就嚟食。呢度嘅藥膳灌湯好正，平時就會叫麵，今日就試吓佢嘅圓圓米粉。米粉有啲似新竹米粉，但又比新竹米粉粗身啲，食落去夠爽身。掛埋啲湯底上去食好正。主食我每次都係叫口水雞，雞嘅份量夠多，同埋一定會有雞髀，啖啖肉食得夠過癮，唔怕淨係輪骨。口水雞汁亦都夠晒辣。仲會伴啲青瓜仔俾你，留返喺食完之後食啲青瓜仔，個口就會Fresh 啲🤣

今日響銅鑼灣收工唔知食咩好，知道登龍街好多好嘢食就同老公過去行吓睇吓~睇完之後發覺嗰條街好多餐廳都試過，唯一係呢間麵館王冇食過，可能因為入口唔算好起眼所以一直都冇意欲行入去食~ 我哋見反正冇試過就入去試吓啦，點知酸菜肉碎令我好有驚喜其實我一向都比較鍾意食湯麵，但因為嗰日天氣真係好熱所以唔想再食熱嘢，於是就決定叫個撈麵試吓~ 肉碎辣度適中之餘唔會太肥膩，夾埋酸菜食非常開胃，完全係夏日消暑恩物老公就叫咗成年人不作選擇嘅藥膳灌湯麵，乜餸都有齊夠哂飽肚~ 唔好見到藥膳呢個名就驚，其實佢藥味都唔算太濃，所以唔特別鍾意藥膳料理嘅人都唔會抗拒，值得一試~ 另外我哋仲叫咗個雞翼都係水準之作，炸得好脆~ 不過成餐飯令我最懷念都係個酸菜肉碎，我諗佢會成為我日後黎銅鑼灣嘅必食之選

位於銅鑼灣登龍街嘅小店，特色係所有湯麵都係用砂鍋盛住上菜，保留住剛剛煮好嘅溫度，亦都係食物最完美嘅味道。秘製麻辣口水雞 配 太子湯米線(小辣)雞肉嫩滑，麻味和辣味在口中迸發，令我食指大動。而太子湯米線則是酸酸辣辣的，米線則吸收了酸辣湯的精華，每一口都非常滋味！柱侯牛腩刀削麵(豬骨清湯)湯頭濃郁而唔油膩，牛腩燉得非常入味，入口即化。刀削麵的口感非常厚實，而有煙煙韌有彈性。 蒸鮮肉北京水餃皮薄餡靚，鮮美多汁，一隻好似其他地方既兩隻一樣咁大隻！太子雞翼外皮酥脆，肉質嫩滑。而且係好大隻，非常抵食！凍豆漿打泡處理過既豆漿，好有特色。

早幾日去完書展夜晚過咗嚟銅鑼灣呢頭食野 本身諗住銅鑼灣食野都預咗偏貴 但見呢間食上海野嘅餐廳唔太貴而且又唔洗等位就決定試下啦蕃茄肉碎拌麵配葵花獅子頭見有幾款拌麵都係期間限定最後就揀咗呢款蕃茄肉碎拌麵 蕃茄肉碎呢個組合本來就好夾 揀咗刀削麵食落好有嚼勁 仲有3大粒獅子頭 以前試過係其他地方食到唔夠熟嘅獅子頭 好彩呢度無呢個問題 肉丸軟稔得嚟仲啖啖肉牛展配自家製米粉 (豬骨清湯)本身嗌咗特級手切牛頸脊但店員話無哂所以轉咗牛展 牛展嘅面頭鋪上咗蒜蓉 食落有好豐富嘅膠質 而且脂肪含量低 個底仲鋪咗d青瓜絲 食落就無咁寡大白菜及小棠菜雲吞 (8粒)雲吞比想像中大粒 而且肉質扎實 肉同菜嘅比例亦都啱啱好 而個湯底係藥膳湯嚟 飲落好濃嘅藥材味 第一次試藥膳湯底感覺都唔錯