影片
更多
2018-11-28
216 浏览
今次黎到鮨文.... 久仰大名,我最先认识的一间Omakase 就系鮨文。 一世人 点都系要豪一次嘅!!!先黎一个茶碗蒸, 系黑松露打成蓉再用上汤煮过的芡汁加埋菇, 仲有干瑶柱,真系好浓浓浓浓味, 再加埋金泊, 真系又矜贵 又好味。蚝- 并不普通,面头加左柠檬汁同萝卜蓉, 加左少少汁料, 一入口海水味重, 但因为柠檬汁同萝卜蓉嘅关系, 随即又返返去清新𠮶一边, 细味之后鲜甜味出晒黎, 个鲜味喺停留左喺口腔好一阵, 好有层次感, 回味!蜜柑鲷鱼, 有少少橙香味, 师傅话呢只鱼系用蜜柑果皮做饲料。用有少少岩盐喺面, 咬下咬下 真系会有浸出黎的橙香 感觉。来自四国的bb size 油甘鱼, 系养殖场饲养的,卷住柠檬草的比较清新, 味道适中。 后者系野生的深海池鱼, 经过炭烧过皮, 好香 烟熏炭烧的味道, 口感实在D ,超钟意。白子- 好似猪脑咁, 口感都几creamy, 师傅特登唔话比我听知咩黎, 要我地食左先... 未摆入口都有D 惊嘅... 不过食落连埋D 汁就好似豆腐花咁, 自然不古怪。开估..... 系精巢 🤮🤮🤮同自己讲.. 鱼嘅啫!不过又真系ok 好食㖞! 全晚唯一嘅熟食菜式,鳕
先黎一个茶碗蒸, 系黑松露打成蓉再用上汤煮过的芡汁加埋菇, 仲有干瑶柱,真系好浓浓浓浓味, 再加埋金泊, 真系又矜贵 又好味。
蚝- 并不普通,面头加左柠檬汁同萝卜蓉, 加左少少汁料, 一入口海水味重, 但因为柠檬汁同萝卜蓉嘅关系, 随即又返返去清新𠮶一边, 细味之后鲜甜味出晒黎, 个鲜味喺停留左喺口腔好一阵, 好有层次感, 回味!
蜜柑鲷鱼, 有少少橙香味, 师傅话呢只鱼系用蜜柑果皮做饲料。用有少少岩盐喺面, 咬下咬下 真系会有浸出黎的橙香 感觉。
来自四国的bb size 油甘鱼, 系养殖场饲养的,卷住柠檬草的比较清新, 味道适中。 后者系野生的深海池鱼, 经过炭烧过皮, 好香 烟熏炭烧的味道, 口感实在D ,超钟意。
白子- 好似猪脑咁, 口感都几creamy, 师傅特登唔话比我听知咩黎, 要我地食左先... 未摆入口都有D 惊嘅... 不过食落连埋D 汁就好似豆腐花咁, 自然不古怪。开估..... 系精巢 🤮🤮🤮同自己讲.. 鱼嘅啫!
不过又真系ok 好食㖞!
全晚唯一嘅熟食菜式,鳕鱼反而我觉得无特别, 最特别嘅系伴碟的红萝卜, 甜到好似蕃薯咁, 仲有下面个酱, 系好似白汁咁。
三文鱼子- 真系我食过最好食嘅三文鱼子,因为师傅话呢个系新鲜生筋子,用味淋同一啲酒腌浸过。
食落口感可以话从未试过嘅鲜... 每一粒都好分明,滑脱脱, 个皮好脆, 又唔会死咸。
根住上寿司, 当然啦....喺你面前嘅手握寿司, 特别好味。有一D 比较深刻的就系北寄贝, 因为师傅会打佢一下 令佢肌肉收缩更加爽口同弹牙。
仲有中拖罗 没有入口溶到成口油但有𠮶种油香咬落去有质感一点, 都不错!
重点!!!!! 有一大杯海胆, 净系睇不断装落个碗度... 一D 都唔吝啬, 系一大杯.... 视觉上已经大满足。平时一啖啖 悭住食,而家成杯食极都未食晒咁。
仲有左口鱼个朋友右口鱼,都系一样火烧过, 油份极重, 超香。 最窝心系师傅会用紫菜包住个底, 唔怕D 油 滴出黎。
蜜瓜系上桌之前喷左Wiskey , 食落口没有浓烈酒味,反而咁样系带出晒密瓜甜味, 就好似巨峰提子𠮶种酒香甜味。
太幸福喇.... 由头至甜品 都好合胃口, 好满足呀!
张贴
