星怡

营业中

休息中

同同事去咗黄大仙嘅现崇山商场食新加坡菜嘅星怡餐厅，餐厅有户外室内座位，营造出舒适嘅用餐环境。今次我地叫左佢哋嘅招牌菜式，肉骨茶同麦片虾!新加坡鱼蛋喇沙里面嘅鱼蛋好弹牙，同埋汤底鲜香浓郁。另外叫左肉骨茶以胡椒调味，入面嘅蒜头系精髓，带嚟一种浓烈嘅胡椒味，好开胃同满足。仲有一道菜系芝士油酥饼配咖哩鸡球，真系惊艳！芝士油酥饼香脆可口，同咖哩鸡球完美结合，咖哩嘅味道醇厚，令人回味无穷。另外仲有一道必食嘅菜式系新加坡麦片虾。啲虾外脆内嫩，麦片炸得金黄酥脆，一口咬落，意想不到嘅好味道迸发出嚟，真系令人惊喜难忘。总括而言，星怡嘅新加坡菜绝对值得一试。佢哋嘅菜式味道丰富，口味独特，每一道菜都带嚟惊喜同满足。