影片
更多
2018-07-14
175 浏览
前几日老妈子喺屋企群组send咗几幅相嚟，系佢啲雀友去利宝阁晚饭嘅相，就系咁话好想去食仲先斩后奏book埋枱，睇嚟佢雀友应该赞到唔食唔得咁。一上到17楼打开䢂门就系宽敞光猛嘅环境，楼低好高，几盏亮丽水晶灯。窗外系尖沙咀夜景，枱亦有排到密密麻麻，坐得几舒服。打开餐牌，传统中菜当然有啦，燕窝鲍鱼鱼翅海鲜齐晒，比较特色嘅都唔少，例如【明太子赛螃蟹】、【蛋黄酱脆皮石班粒】。不过我地睇咗系两个优惠价嘅set。【谷饲豚肉叉烧饭配原盅佛跳墙 原价$256 优惠价$188】原盅佛跳墙 - 材料好丰富，有齐鲍鱼、辽参、鱼翅、花胶、瑶柱、花菰、蹄根。先饮啖靓汤，睇落真系好清差不多完全冇油，餐牌标注【本集团食品不添加味精少盐少油】应该不假。虽然系咁，但饮落都鲜味浓郁，相当不错。鲍鱼、辽参都好爽弹。花胶就啱晒老妈子美颜，鱼翅亦都唔少，都真系足料架。谷饲豚肉叉烧饭 - 完全系《食神》中嘅黯然销魂饭！叉烧肥咗少少，胜在口感非常软腍，咬落真系唔系好相信佢系叉烧嚟，好邪恶但真系好食，成只荷包蛋捞饭食，又滑又有蛋香，再大大啖叉烧，好满足。啱晒平时钟意食烧味饭嘅老豆。特别优惠【上汤龙虾伊面(1只)+烧汁脆皮鸡(半只) $
一上到17楼打开䢂门就系宽敞光猛嘅环境，楼低好高，几盏亮丽水晶灯。窗外系尖沙咀夜景，枱亦有排到密密麻麻，坐得几舒服。
打开餐牌，传统中菜当然有啦，燕窝鲍鱼鱼翅海鲜齐晒，比较特色嘅都唔少，例如【明太子赛螃蟹】、【蛋黄酱脆皮石班粒】。不过我地睇咗系两个优惠价嘅set。
【谷饲豚肉叉烧饭配原盅佛跳墙 原价$256 优惠价$188】原盅佛跳墙 - 材料好丰富，有齐鲍鱼、辽参、鱼翅、花胶、瑶柱、花菰、蹄根。先饮啖靓汤，睇落真系好清差不多完全冇油，餐牌标注【本集团食品不添加味精少盐少油】应该不假。虽然系咁，但饮落都鲜味浓郁，相当不错。鲍鱼、辽参都好爽弹。花胶就啱晒老妈子美颜，鱼翅亦都唔少，都真系足料架。
谷饲豚肉叉烧饭 - 完全系《食神》中嘅黯然销魂饭！叉烧肥咗少少，胜在口感非常软腍，咬落真系唔系好相信佢系叉烧嚟，好邪恶但真系好食，成只荷包蛋捞饭食，又滑又有蛋香，再大大啖叉烧，好满足。啱晒平时钟意食烧味饭嘅老豆。
特别优惠
【上汤龙虾伊面(1只)+烧汁脆皮鸡(半只) $388】
上汤龙虾伊面 - 一只大龙虾，除左虾身仲有埋钳，龙虾肉爽弹，旁边亦有啲虾羔，正。伊面捞埋个芡系好惹味，我哋食盘面食清光。
烧汁脆皮鸡 - 鸡皮坚系脆，咬落系食紫菜咁声。鸡肉味够浓，只系肉质有少少「嚡」，但都已经唔错。
食完仲送糖水紫米露添。
呢度美食、靓景兼备，喺尖沙咀仲要系大商场高层嚟讲，呢个价钱系相当抵食。而家仲做紧信用卡优惠餐，其中一个6位用只系$888，有烤鸭、花胶、虾球、石班。每人先百几蚊，相比出面茶仔食个lunch都要四五十，简直系抵到烂。呢头讲完，老妈子就已经拍低menu放上雀友group⋯⋯
张贴
