影片
更多
2016-10-04
1035 浏览
今次去唱k lunch 个黑椒咸猪手拼盘，令我唔唱歌都要食埋佢，好耐无写食评，今次终于要出手赞下。特登约埋朋友一齐放假去唱k lunch, 目的当然系想平d啦，为食的我预左lunch 的餐唔会太好味，所以要揾间唱得耐的先抵玩，但问左好多间分店，我们2位唱，都系唱得两个半钟至三个钟，食得黎都无时间唱，而最平个餐计$75 一位，仲要加一，好唔抵姐，结果问左Neway 宇宙，竟然可以由开铺10:30起，最尽唱到16:00,早一日book 房免加一，一于拣你啦！好惊喜去唱k lunch会有咸猪手餐！跟餐有一杯饮品，仲送一支香槟，$108 算平。见到只猪手上桌，大大只，热辣辣，块皮仲系脆卜卜，新鲜出炉的，好开心！竟然在k lunch 中都有用心之作！猪手肉质唔鞋，咸味适中，淋上蒜蓉汁食好d, 无咁干，配菜仲有两块汉堡扒、一堆炸薯角、3条脆皮肠、中华沙律，而咁大旧肉，真系保证大食的你都够饱！跟餐一杯饮品当然唔够饮，送多支香槟啱晒，唱歌唱到口干饮最好。香槟是桃味，无酒精，甜甜地当润喉。而朋友点的什菌牛肉石头锅饭，$78, 都过得去，上桌也是热辣辣，等耐一点先捞饭，等佢有饭焦先食，我喜欢香口嘛！不过味
特登约埋朋友一齐放假去唱k lunch, 目的当然系想平d啦，为食的我预左lunch 的餐唔会太好味，所以要揾间唱得耐的先抵玩，但问左好多间分店，我们2位唱，都系唱得两个半钟至三个钟，食得黎都无时间唱，而最平个餐计$75 一位，仲要加一，好唔抵姐，结果问左Neway 宇宙，竟然可以由开铺10:30起，最尽唱到16:00,早一日book 房免加一，一于拣你啦！
好惊喜去唱k lunch会有咸猪手餐！跟餐有一杯饮品，仲送一支香槟，$108 算平。见到只猪手上桌，大大只，热辣辣，块皮仲系脆卜卜，新鲜出炉的，好开心！竟然在k lunch 中都有用心之作！猪手肉质唔鞋，咸味适中，淋上蒜蓉汁食好d, 无咁干，配菜仲有两块汉堡扒、一堆炸薯角、3条脆皮肠、中华沙律，而咁大旧肉，真系保证大食的你都够饱！
跟餐一杯饮品当然唔够饮，送多支香槟啱晒，唱歌唱到口干饮最好。香槟是桃味，无酒精，甜甜地当润喉。
而朋友点的什菌牛肉石头锅饭，$78, 都过得去，上桌也是热辣辣，等耐一点先捞饭，等佢有饭焦先食，我喜欢香口嘛！不过味道淡一点，牛肉份量也较少。
呢餐k lunch, 就因为个猪手餐，令我觉得好似去左西餐厅食晏昼饭，仲要俾间房我地唱咁耐，真系大满足！
张贴