利星火鍋海鮮小炒

营业中

休息中

4个女仔约去深水埗揾好嘢食，朋友力推呢间，我一直以为系打边炉，去到先知原来系食小菜😅 餐厅铺面唔系好大，但系环境好干净，我哋四个人坐圆枱，好阔落，叫多几碟野食都唔怕🤭招牌芋香卷 ⭐️⭐️⭐️⭐️朋友系为咗芋香卷嚟呢度，不断推介我地一定要试！大大旧芋头表面炸到脆卜卜，沾上随碟嘅酸甜汁，咬落粉粉地但又好香口，钟意食芋头一定要试吓👍🏻干隆生菜包 ⭐️⭐️⭐️⭐️⭐️食法同泰式生菜包一样，入面嘅肉系猪肉，最惊喜系加入大量蟹籽，食嘅时候脆卜卜，令到口感多咗层次！招牌杏汁墩猪肺 ⭐️⭐️⭐️⭐️电话订位嘅时候问我地驶唔驶订猪肺汤，见佢咁力推所以梗系要试吓啦！杏汁味好浓好重，猪肺洗得好干净无内脏味，钟意饮猪肺汤嘅一定唔可以错过～ 冰梅榄角骨 ⭐️⭐️⭐️⭐️⭐️每次食中餐都会拣一道「骨」，今次拣咗餐厅推荐嘅冰梅榄角骨，话梅味食落好特别，酸酸甜甜好啱送饭，份量唔少但我地都清晒👍🏻 飞天芥兰煲 ⭐️⭐️⭐️⭐️⭐️芥兰煲好正呀！好钟意上枱时嘅沙沙声，虽然系飞天但绝对唔会太辣，酱汁浓郁，芥兰亦软硬适中，五星好评✨椒盐九肚鱼 ⭐️⭐️⭐️喺九肚鱼同鱿鱼之间挣扎咗好耐，最后拣咗九肚鱼😁 九肚鱼好滑，脆浆唔会太厚，外脆内滑好好食～