皇牌冰廳 (百加士街)

营业中

休息中

服务态度劲差！因为喺附近返工，又觉得味道过得去，所以成日都会嗌佢嘅外卖自取，但今日发生咗一件事，令我永远都唔会再去。话说我每次都系喺OpenRice网上落单外卖自取，咁今日去到餐厅攞外卖嘅时候，咁个阿姐就话例饮西汤好冇？因为我每次嗌外卖就算冇跟汤我都会加钱跟例汤 咁我嗌咗几个月嚟佢一直都系比中汤我 所以我咪以为间餐厅剩系得中汤啰 然后我就话想饮返中汤 然后个阿姐就开始闹我 话我唔一早讲定 我话我喺网上订单系冇得选择中汤定西汤 加上我嗌咗咁耐一路以嚟都系俾我饮中汤 咁我点知佢会无啦啦比西汤我 我都已经劲好声好气，请阿姐可唔可以换中汤俾我 我亦都解释咗好耐，我真系唔知要讲定饮咩汤 但系经过礼貌解释后 𠮶班更年期阿姐都系咁话我 直头好似我欠咗佢咁 其实你唔想换中汤俾我 你好声好气同我解释话今日得西汤 又或者你话已经毕咗啦，可唔可以今日饮西汤啊？ 只要礼礼貌貌我都冇所谓 但一嚟就喺度话我 唔怪得知咁多人话啲阿姐态度咁差 原来系真 我真系嗌咗外卖咁耐都未试过特登去写差评真系好嬲 以后都唔会再去