影片
更多
2021-06-10
1061 浏览
Vibes the Place，故名思义就系一个关于震动既地方。不过可以放心，呢个震动绝对唔系大家想像中受惊吓时既个种震动，反之就系利用来自西藏﹑以至尼泊尔既颂砵，让大家可以有个洗涤心灵﹑令自己有个平和感既地方!表面上Vibes the Place位于薄扶林会对好多人好陌生 - 但其实只要大家搭地铁到西营盘站，经地铁内隧道及升降机到迟B1出口后，转左，直行到十字路口 (西边街)，过马路行多1分钟就会见到餐厅喇! 由于餐厅内坐位数量有限 (简单讲打卡玻璃2人枱x1; 高櫈位x8; 侧边高櫈位x4; 吧枱附近2人坐位x3)，所以最好都会预先打电话预约比较好。尤其如果大家想食下午茶既话，由于要预先准备食材，所以就一定要预约先有得位既!话明系利用颂砵令大家既身心灵有个洗涤既机会，餐厅内除左摆设好多颂砵及相关既用品(例如洁净颂砵既鼠尾草及精油)外，仲有2个颂砵系俾大家可以一阵享用下午茶个阵使用既，详情响下文既食评再介绍。好! 事不宜迟介绍返个下午茶(Vibes the High Tea)先。每个下午茶都配有1个迷你既颂砵 (机打砵 - 即用机器研磨而成既颂砵)，等你可以体验，以及作为纪念品带返屋
表面上Vibes the Place位于薄扶林会对好多人好陌生 - 但其实只要大家搭地铁到西营盘站，经地铁内隧道及升降机到迟B1出口后，转左，直行到十字路口 (西边街)，过马路行多1分钟就会见到餐厅喇!
由于餐厅内坐位数量有限 (简单讲打卡玻璃2人枱x1; 高櫈位x8; 侧边高櫈位x4; 吧枱附近2人坐位x3)，所以最好都会预先打电话预约比较好。尤其如果大家想食下午茶既话，由于要预先准备食材，所以就一定要预约先有得位既!
话明系利用颂砵令大家既身心灵有个洗涤既机会，餐厅内除左摆设好多颂砵及相关既用品(例如洁净颂砵既鼠尾草及精油)外，仲有2个颂砵系俾大家可以一阵享用下午茶个阵使用既，详情响下文既食评再介绍。
好! 事不宜迟介绍返个下午茶(Vibes the High Tea)先。每个下午茶都配有1个迷你既颂砵 (机打砵 - 即用机器研磨而成既颂砵)，等你可以体验，以及作为纪念品带返屋企或公司，响有需要既时候都可以随时放松自己。
而响当中都等小编介绍下自己推介嘅食物啦!
1.一口鲍鱼配日本淮山蓉：清新，淡口，开胃之选。鲍鱼应该系直接煮熟再雪冻，所以保留左鲍鱼本身既味道，配以淮山蓉令你唔会维持于咬开鲍鱼既感觉，而同时会有少少黏口既口感。
2.迷你山羊乳干酪生果杯：入口个下感觉系羊奶味好香，再咀嚼时原来当中渗有有少少辣味去刺激味蕾，令本身羊奶嘅酥味可以被中和；不过如果觉我太辣既朋友可以即时连旁边既蓝莓食，中和返味道。
3.自家制芝士酱三文鱼挞：芝士好滑好软身，完全唔觉得油腻；同时配三文鱼一流，所以食完个口好香!
4.松露芝士冰壶：表面好似平时食，有红豆馅为主既大福饼；但其实冰壶既味道完全系冰冻松露雪米糍嘅感觉，芝士味唔算特别重既情况下，食完松露味会继续留响你口入面。
5.咖啡意式奶冻：重点系espresso嘅咖啡呀！(所以记得食个阵要连埋最底层既espresso享用) 好香，完全无甜既感觉，唔爱甜又钟意食afternoon tea嘅人，相信你会好喜爱呢个奶冻。
6.看似普通橙汁，原来系好重姜味嘅开胃姜味橙汁：建议细细啖，慢慢叹，真系好香姜味，饮完个身会即刻觉得暖暖!
除左推荐既6款下午茶食物外，其实整个下午茶仲有以下呢3款既食物，令大家更加满足!
享用下午茶既期间，员工有空间个阵都特别介绍我地令食物味道更有层次既方法，就系可以利用颂砵去敲打! 所以，小编都特别再点了来自希腊既即冲高山茶。
大家可能会问，唔系用茶叶即冲茶？无错，呢款高山茶为左能够保持最原本既味，就系需要大家去体验手摘茶叶﹑洗茶 (过水)﹑冲茶既所有过程，咁你先可以真正享受到茶既香味。当冲好1杯新鲜既茶后，你就可以将茶放入餐厅内俾你体验用既手打砵 (即利用人手敲制出黎既颂砵)，然后轻轻响砵边低1-2cm位置敲几下。利用音频去改变茶既粒子结构后，当你再试饮同一杯茶个阵，你就会有更多层次既感觉喇!
作为洗涤心灵，而又可以享用到滋味下午茶既地方，特别适合「你」同闺蜜黎既打卡之地!
题外话/补充资料：
自己有玩开颂钵，所以去到个餐厅好开心，因为可以试用敲或磨颂钵，试过用左颂钵同无用颂钵嘅茶，原来真系有分别，会清甜左滑左，好神奇。
(以上食记乃用户个人意见 , 并不代表OpenRice之观点。)
张贴
