The Salted Pig (新城市廣場一期)

营业中

休息中

因为皮肤敏感，所以其实我都好少食牛，咁啱系沙田见到有呢间餐厅食🐷，即刻令我有啲兴趣🤓因为𠮶日只系谂住食个下午茶，所以两个人只系叫咗两样嘢，斧头猪扒同海鲈鱼海鲜烩。斧头猪扒配薯条，有两个酱，茄汁同埋我估系苹果酱🍎。猪扒都几大旧，对食肉兽黎讲啱晒，肉质都算嫩滑，调味唔重，应该净系落咗少少盐同埋香料。本身我都唔系好系重口味嘅人，比较钟意食原味，所以佢呢个调味我本身系好欣赏，但系本身旧猪冇乜肉味，所以觉得有啲可惜。不过点苹果酱又觉得几fresh，所以都可以接受。另一个系海鲈鱼配虾、辣肉肠、蚬，调味几好，一样系唔算重口味，个汤有海鲜既甜味，配料都算多，不过如果男仔净系食呢个应该唔够。鱼都算滑，不过有少少散。