牛涮鍋 (已搬遷) 新店位置

又系同B君出发揾野食既日子，今日目标系MOU MOU CLUB。好彩两个人放工甚早，入座一阵已经FULL咗，可见其旺场程度。简简单单咁要咗个$138放题，外面的乌冬鱼蛋是自助，包野饮。可惜D汽水好似冇气咁，有D怪。豆乳同昆布两个汤底，豆乳好似唔够香，但佢滚得好快，一唔觉意就过埋对面了....食物方面，猪牛两种俱佳，B君不知是否因著同类，比较喜欢猪肉我则是无牛不欢。配菜呢，最值得赞的是花枝丸，非常爽口弹牙，仲要有粒粒花枝系里面，食到我地停唔到口。甜品方面，荃湾冇咁好既就系冇软雪糕机，只系得普通既雀巢雪糕，好唔甘心....总括而言，九十分钟限时系够食既，以咁既价钱，肉既质素好过哂一般酒楼，而服务态度都好好，得三四个侍应都OK够，好快会黎帮你，又会逐枱提LAST ORDER，打边边系一个唔错既选择。