龍麵館 (已結業)

U magazine见到有蟹粉虾多士，特登夹男朋友搭车去试。去到发现几特别，一片中国特色呃鬼佬格局，正正似北美 target 鬼佬嘅中国餐馆咁，事实上过半客人都系外国人，空间感够坐得几舒服 ，灯光偏暗。最痛苦系叫食物过程校率极低，点心纸有价钱无图，另外有一本𩠌菜图有图无价钱，号码唔顺序，有图又未必有得点，加上𩠌菜中文叫奇奇怪怪，反而睇英文先知点煮，e.g. 牛高码大骨 = 24 hours sous-vide US bone-in short ribs，附近几枱客都同样好似 open book exam 咁揭来揭去揭到头都晕。员工服务非常好，可能因上述原因对菜色都很熟悉，加茶注意度媲美酒店，铁观音茶味还好。被员工多次推介片皮鸭，男朋友嚷著要食，但明明系去食蟹粉龙虾，当然唔理佢。 食物摆放精致，虾几爽，蟹粉够味，龙虾熟度适中，但全部都好油腻。总结，呃鬼佬格局，食物唔错，价钱偏贵，两个小食加一个饭已经５百几蚊，茶钱近廿蚊位但都只有普洱香片寿眉铁观音选择。