ASAP As Simple As Possible

营业中

休息中

餐厅门口整幅落地大玻璃，感觉开阳，楼底高座位宽敞。价钱合理，堂食外卖都帮衬过好几次。虽然星期日晚都唔使等位，入座率都有八成，大部份一家大细。今日晚餐堂食叫咗两个晚餐。炭烧牛肩扒配露丝玛莉烧汁意粉，自家制安格斯牛肉蘑菇汉堡。炭烧牛肩扒今晚埋牛扒真系好韧，睇落五成熟左右，应该系个位唔靓，所以好多筋，韧得好紧要….. 意粉啱啱好，唔会太淋。加钱转咗个黑松露蘑菇汤，虽然冇咩黑松露味，不过蘑菇汤都好好饮。另外加咗$30柚子蜜鸡翼，比预期中多，一共有五只。餐饮冇加钱，要咗普通热咖啡，都OK。自家制安格斯牛肉蘑菇汉堡卖相好靓，沙律菜新鲜，薯条冇盐炸得好好。一路以为系汉堡上面有蘑菇汁，原来蘑菇系同汉堡搓埋一齐，搞到个汉堡有啲散，不过味道都几香。跟餐要咗个粟米汤，俾个女饮晒一啖都冇饮过😅餐饮加钱转咗cappuccino老公话多来得滞。