韓國屋

营业中

休息中

去开东涌行街，夜晚求求其其揾啲嘢食，见个food court都几多选择，就入左food court。韩国屋个$48 set可能系成个food court最抵嘅野食。有饭同韩式炒粉丝，仲有得拣两款肉（烤牛肉/烤鸡肉/泡菜猪肉）。拎埋野食之后先发现原来仲包埋一个海带汤，汤入面仲有肉，不过因为块肉太韧同埋冇乜味，所以唔系太分辨到佢系牛肉定猪肉。我自己叫左牛肉饭配泡菜猪肉炒粉丝。牛肉唔肥，但好韧，不过勉强算系有牛味。个汁真系可有可无，唔落可能仲健康。泡菜猪肉有少少辣味，捞埋落啲粉丝到都算ok。不过就咁食块泡菜就味道麻麻，猪肉都普通。食到后来觉得泡菜猪肉粉丝有啲咸，就将啲饭都捞埋入去一次过食就算，咁样都算ok。价钱系抵不过唔好有太多期望。不过如果下次又去开东涌，又想平平地食啲野嘅话，都可能会再食佢。朋友叫左烤鸡肉，鸡肉好鞋，唔推荐。前排喺朗豪坊food court食过类似嘅野，好似好味少少。