更多
2018-04-30
352 浏览
今日有事要入大埔,于是就喺大埔火车站附近开餐, 由于食饭时间好多人,我地又赶时间, 见到呢间舖头唔需要等位,就入去食啦!喜栈主要食面, 粥, 都有少许饭嘅选择!我拣咗一个虾子料鲜云吞牛筋腩捞面 ,58元。 捞面较汤面贵 ,但见到台面张纸上面嘅牛筋捞面个样几吸引,所以都拣咗捞面!捞面面条极幼,而且食落完全冇碱水味 ,不错 !而个汤唔会话好重味精,食完都唔觉得好口渴 !至于云吞方面 , 真材实料 !云吞内包住虾,啖啖肉! 至于主角牛腩,反而唔系太出色 ,冇咩特别!牛腩有啲 硬, 而且肥膏偏多, 可以食嘅部分其实好少!另外仲叫咗个卤肉饭, 调味适中 ,而卤肉份量够捞哂成碗饭!
张贴