LM Cafe (已結業)

听朋友讲观塘呢间「LM Cafe」有live Band，去到门口已经见到好多人等紧位，入到去有卡位，仲有可以比多人坐嘅长枱，环境都几宽阔。我哋坐低左就叫咗个「牛奶炒蛋」同埋「瑞士鸡翼」试吓。「牛奶炒蛋」好大件，咬落去非常有口感；「瑞士鸡翼」好入味，而且肉质好「林」。之后我哋再叫左一个「蛋奄列炸鱼柳意粉配龙虾汁」，意粉好大碟非常足料啊，而且炸鱼柳非常大件，食落去口感脆卜卜，好惹味，意粉再配埋龙虾汁一齐食，好match。「西冷牛扒香草肠仔铁板餐」配以餐汤「蘑菇汤」，再加埋我最钟意饮嘅「热鲜奶」，好丰富呀。「牛扒」切落去好鲜嫩嘅肉质；「牛奶」饮落去个胃好舒服。由于我比较钟意食辣，所以我哋叫咗个「麻辣肥牛米线」，果然不出我所料，麻辣嘅味道足以令我嘅嘴唇麻痹了，不过好刺激，而且牛肉好新鲜，咬落去肉质鲜嫩，满口牛肉味道，不错。食鸡翼唔够喉，我哋叫多咗碟「蜜糖鸡翼」，「蜜糖鸡翼」望落去卖相非常吸引，而且成碟都系蜜糖酱汁，好特别嘅蜜糖味道。「雪糕红豆冰」有我最钟意嘅云呢拿雪糕系上面，饮落去消暑解渴，正。食咗咁多野都系三百几蚊两位，价钱合理，位于观塘工厂区附近，难怪放工一族都会来呢度食晚餐。