孖啡 (已結業)

系好耐之前已经有留意呢间楼上Cafe，最近终于有机会同朋友试下。呢间除咗可以用Apps网上订位之外，仲会送你一客免费小食，感觉都几抵，可惜今次食完饭唔记得咗有免费小食呢回事，浪费咗个优惠。-香蒜白酒蚬意粉 $108相信唔少人都认同，意粉中嘅酱汁系好紧要嘅一环。呢碟意粉嘅汤汁系做得几唔错，虽然唔太品尝到浓郁酒味，但保留到白酒清甜，蒜香突出。食完意粉我忍唔住饮埋啲汤汁。蚬肉新鲜爽口，每只都几大粒，份量亦唔少。-蒜香鸡翼 $52鸡翼香脆，但口感唔够酥软，外皮略为硬咗少许。-冻青苹果绿茶 $38Set menu包一杯$38饮品，有唔少水果x红茶或绿茶嘅配搭。叫咗正正常常嘅青苹果绿茶，味道都系无咩特别，正常水准。