鍋卷鳴門 (已結業)

平时少食放题，对放题印象麻麻，但去咗依间放题后就会发现放题都可以好高质。今次同朋友食「上忍之卷」，分别系多咗日本A5藤彩和牛同埋和牛上脑，但个人觉得最吸引系佢地嘅任夹海鲜。依家仲做紧4人同行送活松叶蟹。任夹海鲜种类都几多，当日有海虾、澳洲鲍鱼、濑尿虾、 沙白、花螺等等，应该间唔时会转款，每款海鲜都见到好生猛，我地夹嘅时候仲会系咁郁呢！食落亦好鲜味，其中最钟意鲍鱼，易拆又好厚肉，当日真系满足晒我地嘅海鲜瘾！肉类选择都唔少，当然要试日本A5藤彩和牛肩胛，油脂丰富又软腍。如果钟意牛味重啲饱嘴啲就可以食澳洲牛板腱。另外牛舌切到长条形食落都好满足！除咗主攻肉类，仲有刺身、天妇罗等熟食可以边煮海鲜边食～最后当然唔少得甜品环节，榴梿炸弹系必点的！仲有各款雪糕雪条超多选择！当晚拣咗$788一位，另外$468个款套餐都好抵食㗎。