和道屋

营业中

休息中

西餐半自助餐就食得多，日式半放题真系第一次食，一个价钱就可以食尽各款日式美食，而且星期一至日，任何时段都都可以食到，而且仲有无面人等等既唔少打卡位一落单店员就会奉上沙律同刺身五点，包括三文鱼、油甘鱼、 带子、希灵鱼同八爪鱼，全部都好新鲜而且厚切之后就到自选料理，包括串烧同天妇罗，可以系二十几款中拣五款，全部都即叫即做🥬海胆大叶天妇罗海胆鲜甜， 炸粉薄而均匀，唔会抢走海胆既味道。 🦀甲罗烧蟹膏香浓，配多士一流 🐷千崴米豚腩片串烧米豚腩肉质软嫩，油脂丰富，烧到外焦里嫩，仲保持到肉汁鲜美。🐂盐烧和牛粒串烧和牛油脂丰富，肉质鲜嫩，用盐烘托下，更加美味。 之后就到任食寿司，有十几款全部都系即叫即握，保证新鲜任食手握寿司，连我最钟意既火炙左口鱼边都有～可以食到够为止～ 再黎就到主角寿喜烧，本身上枱已经有好丰富既配料，午市仲可以点2次A4和牛、北海道黑豚、生蚝同任食蔬菜盘 🐮日本A4和牛肉质纹理细腻，油脂分布平均🐽北海道米豚肉质鲜嫩，口感细腻，冇任何猪既肉腥味 🦪广岛牡蛎中大只，肉质肥美，鲜味十足。 🥗野菜盘蔬菜种类繁多，新鲜脆嫩。🍦最后仲有雪糕，画上完美既句号