影片
港铁尖沙咀/尖東站 B2 出口, 步行约5分钟
继续阅读
电话号码
23928828
70768726
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
公众假期
12:00 - 15:00
18:00 - 23:00
公众假期前夕
12:00 - 15:00
18:00 - 23:00
*最後落單時間 午市 14:30，晚市 22:30
以上资料只供参考，请与餐厅确认详情
有关奖赏计划
🎈記得宮崎駿的《千與千尋》上映的時候風靡一時，戲中的無臉男相信睇過的人都一定記得佢。而熊妹發現近期無臉男竟然出沒於尖吵咀地帶，為《和道屋》居酒屋守著門口，要小心翼翼經過佢之後，上幾層樓梯就到餐廳樓上雅座。行過時都真係心驚驚，怕俾佢吃掉嘛😆。📌上到餐廳，環境都幾大，用上木枱木凳，牆身畫滿了五顏六色的日本風情畫🖼，再配合柔和的燈光💡形成典型的居酒屋風格。📌仲有一個個包廂卡位，需要除鞋進去內座，脫下鞋子🥿，又可以舒緩一下一天腳步的疲勞，就正正是居酒屋想讓客人到來休憩放鬆的原意。📌《和道屋》除了無臉男在門口坐陣之外，近期推出的「和食半放題90分鐘」都係非常熱門💥，自從阿豬媽同熊妹月頭係日本回港之後，阿豬媽一直嚷住掛住日本美食，今日熊妹就帶阿豬媽黎大吃大喝一番。📌「和食半放題90分鐘」星期一至日都有得食，中午12點開門，最遲1:30入座，因為3:00至6:00係落場時間，之後晚市時段就係六點至九點。和食半放題90分鐘午巿：$268/位晚巿：$388/位任飲啤酒、無酒精飲品，加$68/位1️⃣首先，每一位客人會奉送一客和風沙律🥗，然後一枱一客日本直送刺身塔，如果加$88就可以升級為香蔥拖羅火山配秘製搾柚子汁。跟住就揀選生燒即做串燒、料理或者天婦羅，每人五款。2️⃣然後，飯食有多款任食手握壽司。3️⃣主食當然唔少得主題的壽喜燒啦！配料包括日本A4和牛、北海道豚、廣島牡蠣壽喜燒，湯底可選壽喜燒或者日式豆乳豚骨湯湯底。4️⃣當中野菜盤係任食嘅，午市每款配料就可以追加一次，晚市就可以任食。5️⃣仲有溫泉蛋稻庭烏冬同埋溫泉蛋紫菜飯係任食的。6️⃣最後，飯後甜品係每一位客人一球雪糕球。日本直送刺身塔一坐刺身塔用上三文魚、吞拿魚、魷魚、帶子等等各款嘅刺身砌成一座塔嘅模樣，望落去以為份量好少，當逐片拆開刺身，發現塔嘅內部，原來包含了好多吞拿魚蓉，口感好新鮮，入口即溶，呢份刺身塔仲要係送嘅絕對係抵食，可惜無得encore🥲！香蔥拖羅火山配秘製搾柚子汁拖羅火山，面頭鋪滿一片片拖羅，內裡充滿吞拿魚蓉，成份拖羅火山浸滿柚子汁，食落好清甜，吞拿魚蓉入口溶化，《和道屋》用上嘅吞拿魚同拖羅絕對係高質貨色。日產串燒：鹽燒和牛粒一串有三粒，和牛🐮燒到熟透但唔鞋口，灑上少許鹽粉已經好出和牛嘅味道！明太子雞腿串雞腿肉燒到面頭有脆皮，雞肉好嫩滑，面頭唧上明太子醬，味道帶點辣嘅明太子醬同本身淡味的雞肉配撘好夾！焦糖菠蘿x2菠蘿有三粒🍍，面頭灑上砂糖去燒，變成焦糖，焦糖造成嘅脆面脆卜卜，連埋菠蘿一齊食，酸酸甜甜非常解膩！日產料理：甲羅燒甲羅燒蟹膏醬🦀塗上跟上的兩塊白多士🥯，就咁塗上無味的白多士上面可以啖啖食出濃味蟹膏嘅鮮味，真係大滿足！多春魚一份有兩條🐟，煎烤到面頭香脆，鹹鹹地好夠味！鹽燒三文魚頭一份三文魚頭🐠都有兩件，魚頭魚鰭位有少許三文魚肉，主要係想選三文魚骨同埋油脂位位，食落嘅椒鹽同埋三文魚油混合，吸盡三文魚嘅精華！土佐豆腐土佐豆腐🍞係近期熱門嘅日本小食，面頭用上木魚絲落去油炸，所以造成外脆內嫩嘅口感，再點上醬汁，係一款非常特別嘅豆腐食法！炸芝士年糕大大個芝士年糕波，炸起的年糕質感軟糯，咬落去仲會必出淡淡嘅芝士醬🧀，從來炸芝士年糕係可以令人食到幸福滿滿的！吉列廣島蠔面頭鋪滿麵包糠用上吉列嘅炸法變到好酥脆，咬入去廣島蠔🦪嘅蠔汁泌了出來，絕對需要趁熱食！任食手握壽司加州卷、三文魚、火炙三文魚、香蔥吞拿魚蓉、八爪魚、海膽魷魚、明太子沙律各點了一款，好驚喜地每款壽司用上醬油製造，唔需要點豉油，直接食都好夠醬油味道！其中，海膽魷魚大為驚喜，爽口嘅魷魚粒面頭佈滿海膽醬，濃烈嘅海膽味道一啲都唔腥，配上爽口嘅魷魚🦑，滋味的海鮮味道相輔相成！壽喜燒食壽喜燒當然選擇壽喜燒汁湯底，甜甜地配和牛諗起都流晒口水🤤！配料有日本A4和牛、北海道豚同廣島牡蠣。日本A4和牛雪花❄️油脂分布平均，入口非常嫩滑！豚肉當然有脂肪位，薄切食落又唔會好油膩！廣島牡蠣🦪好肥美，煮滾後好鮮味，大大隻放入口，蠔汁爆出來，唔錯！任食野菜盤最鍾意食菜嘅熊妹同阿豬媽真係唔會放過任食野菜盤🥬！驚喜地有西洋菜、娃娃菜、白菇、冬菇、蘿蔔片等等，全部材料都好新鮮，用上壽喜燒汁煮野菜，甜甜地嘅味道更出蔬菜的鮮甜味！任食溫泉蛋稻庭烏冬任食溫泉蛋紫菜飯甜品 - 日本咖啡雪糕📌香港地，任食放題咁抵的價錢，食物高質素仲要係尖沙咀地段，環境裝潢充滿日式和風氣氛🎎，係真係好值得試一試，而且可以過來找無臉男打卡一下。
继续阅读
為咗慶祝朋友升職加人工😎 梗係要食餐勁🥳 佢話想食好味嘅日式放題，search 到呢間和道屋做緊晚市放題優惠，有海膽蟹肉甜筒、日本帝王蟹腳、黑松露燒牡蠣等😍😍 仲有任食手握壽司，宮崎和牛，北海道米豚，廣島牡蠣壽喜燒🤩🤩🤩 最正係可以食足120分鐘，真正做到慢慢嘆😎 一入門口已經有一個好好嘅體驗🤩 裝修好靚好特別，滿滿日本風😀 同平時食開嗰啲放題日式餐廳格局真係有好大分別，好似去咗日本居酒屋咁🥰 我哋夜晚6:30到餐廳，已經陸續有好多人客入座，好彩有book定位😎 🌟帝王蟹x宮崎和牛半放題套餐 71折優惠 $498首先介紹吓佢啲非任食食物先😎 💁🏻♀️海膽拖羅蓉蟹肉甜筒個海膽係滿瀉㗎🤩 下面就係滿滿嘅拖羅蓉，再下面就係蟹肉壽司飯😍 全部都係我最鍾意食嘅嘢😃 甜筒仲要夠脆，好屈機嘅組合😌 💁🏻♀️日式浜燒海鮮拼盤呢個浜燒海鮮拼盤size好巨😎 每位有一件燒大蝦、燒扇貝、黑松露燒生蠔、鹽燒生蠔😍 每一款都係新鮮高質，調味出色👍 💁🏻♀️日本帝王蟹腳好耐未食過啲咁鮮甜多肉嘅蟹腳啦🤩 碌碌都又粗又多肉🤣 充滿鹹鮮海水味😍 勁滿足😍跟住就講吓佢嘅任食部份😎💁🏻♀️任食手握壽司呢個簡直係高級壽司店質素嘅壽司😳 師傅即時手握，用嘅都係新鮮靚料😍 我哋都忍唔住encore咗幾次😎 仲要係赤醋飯😀 每一款都好好食🥳 任食有呢個質素我真係第一次見😳 老闆實在太佛心啦🥰 💁🏻♀️任食宮崎和牛日式火鍋我哋揀咗壽喜燒湯底，感覺唔錯呢☺️ 宮崎和牛雪花分布細密，肉味勁重，油香豐腴不膩，入口勁軟嫩😍😍 係我食過最高質最好味嘅任食和牛火鍋🫶🏻 仲要係任食！之前睇過一篇食評，話佢哋啲嘢上得慢，今次要真係幫佢哋平反一下，明明佢哋就上得勁快😳 只係壽司因為即時手握會慢少少，但其他嘢真係一落單就送到👍 💁🏻♀️任食日本北海道米豚因為太好味，忍唔住同老闆娘傾咗幾句😆 佢同我講呢隻豬豬係食米大嘅😀 通過餵食含米飼料，肉質蓬鬆柔軟🫶🏻 💁🏻♀️任食廣島蠔廣島蠔大大粒好新鮮，完全冇腥味🤩 💁🏻♀️任食野菜盛盒、溫泉蛋稻庭烏冬、溫泉蛋紫菜飯由於其他嘢實在太高質，encore咗好多次，所以最後食唔落飯同烏冬🤣🤣 💁🏻♀️雪糕雪糕就唔係任食嘅😆 黑芝麻雪糕好香濃，為呢餐做一個完美嘅總結🥰 🌟$68 無限追加啤酒、飲品呢個真心抵，建議大家一定要加😎 咁就可以飲住啤酒慢慢嘆靚嘢食😌 今次真係完全顛覆咗我對日式半自助餐嘅印象😆 平時食日式自助餐一定係趕頭趕命🤣🤣 啲嘢食好似為咗填飽肚咁，唔會特別出色特別好味😂😂 今次真係用一個半自助嘅概念去慢慢嘆居酒屋高質食物，唔使就住就住叫🫶🏻 都係嗰句啦，邊個話香港冇好嘢食㗎？其實都仲有好多好用心嘅餐廳，值得比更多人見到🥰 呢間和道屋就係一個好例子，真心推薦俾大家🫶🏻
继续阅读
識我嘅朋友都知我鍾意食居酒屋平時食下飯、酒聚一番🍻 埋單都重皮最近見到好多人推介呢間尖沙咀嘅居酒屋✨ 和·食べ半放題 ✨( 120Mins晚市HKD388 / 90Mins午市HKD268)一個價錢有齊壽喜燒、壽司、熱食食物質素正常，不過真係好飽肚要重要係加HKD68任飲指定啤酒，啱曬酒鬼🌟任食🌟𓂅日本A4和牛、北海道米豚、廣島牡蠣壽喜燒任食壽喜燒配料有三款可選，我自己就喜歡蠔啦不過每輪份量唔多，想大刷特刷嘅朋友最好叫得密啲𓂅 𝟷𝟷款手握壽司估唔到有咁多壽司任食，魚生新鮮但唔算鮮美，多款式飽到上心口𓂅 溫泉蛋紫菜飯、溫泉蛋稻庭烏冬稻庭烏冬是冷食，配上溫泉蛋已經很好吃😚𓂅 壽喜燒蔬菜盤🥢 𝟸𝟼款串燒/ 料理/ 天婦羅 (自選五款) 🥢𓂅 明太子雞翼 - 雞翼燒至外脆，明太子份量好多𓂅 炸芝士年糕 - 是居酒屋必食🤤 呢到炸到半流心𓂅日式雞軟骨 - 單人份量已好，食落會有少少硬身𓂅 鹽燒和牛粒 - 喜歡呢個牛味突出，稍微鹹了點𓂅 明太子雞腿串 - 雞腿肉都多汁，明太子可以再出點𓂅 甲羅燒 - 無蟹殼版本的甲羅燒，味道會稍甜🥢 每位一客 🥢𓂅日本直送刺身塔𓂅 香蔥拖羅火山配秘製柚子醬 + HKD88𓂅 是日雪糕
继续阅读
假期約咗朋友去尖沙咀度食飯，趁着返學嘅空檔時間，🍱🍣我哋揀咗食lunch。平時我地都鍾意食日本嘢，而呢間餐廳門口仲有打卡位添，望落好有🌸和式嘅風味。經過樓梯上到去餐廳，入邊營造到昭和嘅風格，牆上貼上不同和式的海報同菜式。我們被安排到轉角位的座位上，有榻榻米及普通餐桌揀，😃榻榻米比較適合一大班人坐低食飯。午市餐牌有兩個，一個係主廚推介，另外一個係海鮮定食，而另外一邊就係熟食定食，都係以👍優惠價錢推出。🍵海鮮山秘製魚湯漬「一丼兩食」$138店員推介先吃前菜刺身，然後喝一碗湯，加上三文魚子配飯吃，最後才變茶漬飯。我照着程序去吃，🐟刺身加咗醋，有點酸酸的口味，氣味幾清新，而湯不是平常喝的出汁，而是用魚骨熬製的🍲魚骨湯，味道濃郁豐富，海鮮山的刺身是吞拿魚腩蓉，內有些貝類及甜蝦，非常鮮甜，配有4片脆紫菜，可以俾你包住吃，🤤最尾倒上魚湯全部吃完。🍣特選雜錦壽司12件 $138有帶子、三文魚、🐚貝類、海鰻、赤身、芥末🐙八爪魚軍艦、吞拿魚蓉軍艦等壽司，配上茶碗蒸、沙律、前菜及甜品，非常豐富。當日的前菜是牛腱凍，口感👍非常好。而茶碗蒸用料十足。壽司🍣的用料也很鮮甜，當中甜蝦及貝類我好喜歡，而飯是紅醋飯。食評總結：我們用餐的時候看見非常多附近上班的人都嚟用餐，以用料及款式嚟講，真的性價比高，😃而且我跟朋友都覺得味道十分唔錯，座位也舒服，緩緩的燈光好寫意，值得一試。
继续阅读
今日因為想補返生日飯，專登上youtube 搵d 靚d 好食d 既餐廳食晚飯。搵到依間見佢賣相好似唔錯，環境都有設計（日式風格），所以就好快用openrice 訂左枱。 本身入席時都無咩野，但唔好彩主要serve我地個短髮眼鏡女服務員態度同語氣都好奇怪，一黎唔講清楚menu 上d野點叫，下下要我地問先講，我心諗我地第一次黎，有野唔明問聲都好正常啫，但佢就會用個好似好溫柔，但句句都有骨既tone 應我地，問佢多一兩樣野又黑面又藐嘴，之後又扮返有禮貌咁講野，心諗佢係咪返工返到好大壓力，要攞d 客黎發洩。但都算啦，大家食個飯都係想開心，就唔理佢咁多，但係食野途中，我地傾緊計既時候，佢又會無啦啦插隻手黎收碟，或打斷我地傾計，好似好趕咁，成個傾計咁樣被中斷幾次，咩氣氛都無晒，後尾只係想快食完就埋單走，覺得好掃興，講真俾多少少出街食都係想開心，但食完既感覺係俾錢買難受，仲有少少後悔無當面出聲反映下，雖然d 蟹腳幾好食，但依個服務員令我地成餐飯好唔自在同舒服，好似無時無刻都企係隔離迫我地食快d咁，再加上出菜速度又一般，整體黎講，係唔會再去食，都打comment 係度俾其他想試既人睇睇先做個參考。 其實其他服務員同老闆都無咩野，只係如果大家唔好彩俾個果「溫柔」女服務員serve 中，真係自求多福了，共勉之。
继续阅读