金兜記海鮮菜館

营业中

休息中

秋风起，又到一年食大闸蟹嘅季节啦，绝对系要嚟报告一下战绩😂😂😂。话说哩间任食大闸蟹餐厅金兜记几乎可以用人山人海嚟形容，冇book就势必冇得食，book咗都比里面嘅人潮吓一吓。可能系D类餐厅嘅原因，终于可以大家坐埋一围，大大声闲话家常，明白嘅明白嘅！讲返任食大闸蟹都系398，哩个价钱绝对系抵玩。上枱首先嚟一盅花胶海螺炖汤，虽然有味精但系都几好饮嘅😂，不过一定要热饮，因为冻咗会觉得超级咸。再嚟个炸虾球，其他人话味道唔错，而我就留返d quota等阵为大闸蟹奋战😂😂。第一round大闸蟹系每人2只盐焗同2只清蒸，每只大概2-3两，上台时系岩岩蒸出嚟，所以系热辣辣🔥。之后服务员见你差不多食完就会问你要唔要加蟹。当晚全部都系蟹公，虽然唔系爆膏但系绝对系可以收货👍👍👍。中间上桌系每人半只乳鸽同糯米饭，佢个糯米饭系粒粒分明，适合趁热食。题外话，隔离台有几个C9起码食咗起码一百只，将d蟹盖叠起来成座山咁高😲😲😲。