牛大人台灣火鍋吃到飽 (荷李活商業中心)

营业中

休息中

牛大人应该最系出名嘅台式火锅啦🤤 今日同朋友又黎食火锅放题🤩今次试左台湾凤梨鸡锅🤩汤底唔辣，仲有少少凤梨嘅清香。只鸡真系原只架🤩超大只👍🏻火锅料未上枱之前😂例牌，叫大量台式小食先。我个人最钟意食午餐肉！好厚身，而且系炸脆过，好香口🤤 另外，炸虾饼同油炸鬼都好正🤤根本上全部小食都好高分👍🏻入正题😂我地叫左最贵嘅澳洲极上和牛套餐。安格斯牛小排同澳洲M5和牛，平时出去买几百蚊得几块。今日可以任食🤩一定要叫多几碟回本🤤 牛肉片都好大片，唔会碎湿湿，切得够薄，渌10秒左右就食得🤤 。西班牙豚肉片都唔错，唔会过肥，够滑溜👍🏻仲有必食嘅海鲜浆类，超多款式，各有特色😂最like 花枝浆，有粒粒呢嘅花枝，好有咬口👍🏻正呢间牛大人仲有特大饮品墙同自助区，坐位地方大，又够阔落🤤食得好开心又舒服，临尾再食埋杯靓雪糕，完美👍🏻必定再回头。