緣聚

营业中

休息中

依间位于元朗既放题，位置有啲难揾，系地下入面，听讲已经扎根好多年，所以餐厅装修经典少少，佢哋有卡座同大沙发坐，放题食品选择超多，有超过100几款🙋🏻不论系火锅🍲、烧物🍖、刺身🍣、串烧🍢、韩式料理都有，仲有无限饮品同甜品食😛加钱升级埋可以任食松叶蟹脚🦀以及生蚝🦪，无论系一家大细定系一班朋友嚟聚会都啱晒，餐厅有QR code点餐服务，所以可以随时叫，平均上菜速度系5-15分钟，服务态度几好。一坐低叫d刺身和寿司热身先：三文鱼🐟、油甘鱼、吞拿鱼，每片都厚切又鲜嫩，入口即化，生蚝🦪新鲜唔会腥。天妇罗有几款选择，外皮酥脆，拣左虾🍤、紫薯天妇罗🍠，都好好味，日本紫薯味道香浓又唔会惊食多。饮品同甜品方面都一样应有尽有，青酒、梅酒、汽水都有，我个日咁岩喉咙有d唔舒服，就叫左热饮，佢地有菊花蜜同其他花茶。之后叫左d熟食，枝豆、玉子烧、鳗鱼炒饭、串烧，我特别喜欢佢既黑松露炒杂菌，卖相未必好吸引，但胜在松露味突出，杂菌又几爽口🍄 食左差唔多2粒钟，都试唔晒咁多款食物，真系多到唔知点拣好，食物质素整体都ok，但大部分食物同其他放题餐厅差不多，希望佢地之后加入多d新款食品。缘聚 🍲🍖🍣🍢11 号 金福阁 地库,