影片
更多
2024-08-31
210 浏览
📍牛大人台湾火锅吃到饱 🔎旺角弥敦道628号琼华中心8楼-----有一段时间冇食打边炉，心瘾起就捉咗屋企人同我一齐去洽一洽。以为夏天应该冇咁多人，点知竟然都系要等位。呢间分店第一次嚟，装修几新净光猛场地四四方方用餐环境舒适。心血来潮上嚟食点知撞正佢哋同DREYER'S合作紧，可以任食平时7-11 拾几廿蚊条嘅D-COLLECTION系列甜筒同雪条，仲要有我最中意嘅开心果味❤️。（呢个推广做到8月31）汤底选择都几多，左拣右拣最后拣咗三椒酸菜鲜鱼锅汤底，上枱非常有仪式感，竟然系汤同鱼分开上，鱼有有炸过所以冇咁容易散开。食完觉得唔够喉嘅话可以用QR code自己加点台湾鲈鱼片加落去，虽然冇炸过容易散开。但系味道非常鲜甜。澳洲M5和牛片片都系雪花均匀嘅状态，肉脂味浓郁，和牛高质，但其他肉类如西班牙猪梅肉片、纽西兰羊卷肉及花雕酒鸡件其实也很不错。猪梅肉猪味浓郁，羊卷肉香而不膻，花雕鸡则非常入味嫩滑。其他推介食物：鹅脆肠质感如其名，非常爽口脆身；逢甲Q爽鸡脚筋则甚富咬口，卤汁恰到好处，不会太咸，搭配啤酒好夹。；鲜甜海虾好扎实，食得出食材新鲜；脆肉鲩鱼腩鱼脂丰腴，次次都系我嘅encore之选；真猪小
🔎旺角弥敦道628号琼华中心8楼
-----
有一段时间冇食打边炉，心瘾起就捉咗屋企人同我一齐去洽一洽。以为夏天应该冇咁多人，点知竟然都系要等位。
呢间分店第一次嚟，装修几新净光猛场地四四方方用餐环境舒适。心血来潮上嚟食点知撞正佢哋同DREYER'S合作紧，可以任食平时7-11 拾几廿蚊条嘅D-COLLECTION系列甜筒同雪条，仲要有我最中意嘅开心果味❤️。（呢个推广做到8月31）
汤底选择都几多，左拣右拣最后拣咗三椒酸菜鲜鱼锅汤底，上枱非常有仪式感，竟然系汤同鱼分开上，鱼有有炸过所以冇咁容易散开。食完觉得唔够喉嘅话可以用QR code自己加点台湾鲈鱼片加落去，虽然冇炸过容易散开。但系味道非常鲜甜。
澳洲M5和牛片片都系雪花均匀嘅状态，肉脂味浓郁，和牛高质，但其他肉类如西班牙猪梅肉片、纽西兰羊卷肉及花雕酒鸡件其实也很不错。猪梅肉猪味浓郁，羊卷肉香而不膻，花雕鸡则非常入味嫩滑。
其他推介食物：鹅脆肠质感如其名，非常爽口脆身；逢甲Q爽鸡脚筋则甚富咬口，卤汁恰到好处，不会太咸，搭配啤酒好夹。；鲜甜海虾好扎实，食得出食材新鲜；脆肉鲩鱼腩鱼脂丰腴，次次都系我嘅encore之选；真猪小香肠就坊间嘅台湾肠一样味，香香甜甜，甚富脂香，出面食都几贵，呢度可以任食；水莲系香港少见嘅蔬菜，种植条件苛刻，属于比较矜贵嘅蔬菜，爽脆清香，不错；芝麻麻吉烧其实即系芝麻汤圆，煮完之后甜甜咸咸，好得意。
张贴
