泉記金喜來海鮮飯店 (已結業)

听左同事讲好耐，终于到我朝圣！7点几来到，可能系平日，仲未full。丫姐带左我地去角落位，但就可以𥄫实个自助食物区，一有正野可以第一时间睇到同冲出去佢地用石油气炉，全部大枱，有机会要搭枱。汤底有好多选择，我地拣左鸳鸯。汤底唔太掂，一边清汤，一边沙嗲。沙嗲唔辣，啱我。清汤𠮶边系清水，有几片绍菜。食物款式真系好多，重点出击的要数龙虾，鲍鱼，龙疋，原粒带子。可惜我地𠮶晚只见龙虾，但已很满足。#丸类#攞左，八爪鱼丸，芝士丸，贡丸，墨丸。无攞的仲有牛丸，猪肉丸等。我试左的，除左贡丸外，其他都唔得，好粉，唔弹性。#贝壳类#好多唔同款式，有5款左右。花甲，白贝，圣子，其他我唔知叫乜。仲有带壳带子。全部都各样攞啲，惊肚疴，煮好耐先敢食，但捞上来，变到好细粒不过都新鲜！#虾类#有龙虾，赖尿虾，海虾。食左龙虾同赖尿虾。龙虾无得输，弹牙，新鲜。赖尿唔得，霉的。#其他#猪肝"鞋", 肥牛，滑牛，猪肚同粉肠都no Gd。蚝熟左好细粒，不过好过无。水饺好食，鱼片都系#鞋", 有年糕，有我爱的田鸡。仲左响铃，炸鱼皮。。。朋友一个人食左半磅肥牛。另一卖点，任饮，有支装麦精呢度系抵，但又唔系真系好好食。