木葉 (已結業)

观塘海日升中心，开咗好多新餐厅。有次食晏见到木叶住食Ribs。都只系$138。今晚放工冇咩做，所以约埋同事一齐去试吓。我地叫咗一份任食Ribs。包括有鲜虾菜沙律，热饮。（我拣咗玄米茶）。真系新鲜虾, 好鲜甜, 沙律菜又新鲜. Ribs第一set有2件，味道唔会太酸。肉汁亦锁住。肉滑又唔鞋。另外叫咗一款主菜~开心果罗勒汁鱼柳$78。可以加$5配饭或意粉。但职员话可以加$50有Share Ribs。所以我地冇加饭或意粉。就加咗$50食Ribs。由于主菜唔包饮品，我地加咗$15叫多杯玄米茶开心果罗勒汁味道香浓，食到开心果粒。鱼柳又滑。配上一粒由意大利饭做成的脆波波。初时以为系肉丸。不过呢粒意大利饭要衬热食，如果唔系会变硬的。