串爆

营业中

休息中

好少见既四川串串放题，有各种辣度同唔辣，既可以满足嗜辣既人，又令食唔到辣既人一尝四川"麻辣"烫既滋味。提供2小时任食，加$30任饮。点好串串数量后，厨房会用指定汤底渌好，再一大盘浸住汤底上枱食。叫咗BB辣，都容易入口，愈食愈有麻辣既感觉。除咗串串，各种风味小食都系任食，份量精巧，可以多试几款，全部都系耐心腌制而成，非常惹味。例如有香辣无骨凤爪、麻辣猪红，少少辣但唔系呛鼻个d。蒜泥青瓜爽脆、卤水鸡翼尖亦入味。最后仲可以叫四川汤面，同埋甜品成都老冰粉。冰粉黏黏软软，加埋酒酿、提子干同山楂片，特别解辣。串串种类有好多，好似平时打边炉既配料，肉、丸、菜类，不过串系竹签上，容易吸收汤底既精华。以下几款好好味，叫左好多串。鸭舌好爽口。成都小香肠，好似腊肠。鸡软骨、千层肚够爽。莲藕、豆腐干、魔芋容易吸汁，所以偏辣。整体，抵食又可以过口瘾，钟意辣既朋友唔好错过，可以挑战辣度，一串串食仲好方便添。送菜好快手。