樂麵

营业中

休息中

另一半带我去呢间食拉面。之前食过葵芳、甚至系香港好多间嘅拉面，间间份量都系少到喊，面少、肉得一块，薄到纸咁，未试过香港食拉面可以食得饱同食得满足。本来都抱住0期待嘅心情食，但结果呢间乐面令我喜出望外。首先入去，装修好有风格、几特别，不过个枱面唔知点解好油、好污糟咁，希望可以清洁下。至于员工方面，就见仁见智啦，有人唔钟意啲后生仔女员工，话佢哋态度唔好，我自己就觉得无问题，几好。咁我叫咗碗真熬鸡白汤拉面，啲肉真系多、厚度正常，唔系纸片，面都好多、汤又好饮，食得几饱。个人认为香港平民拉面嚟讲，呢间算系有良心。至起码佢啲肉真系有7－8块系度，唔系好似其他黑心店得一块肉纸系到。不过可惜我叫咗好多洋葱，搞到味好浓，下次都系唔叫咁多葱😅。如果乐面可以维持呢个水准，维持呢个份量，我绝对会继续帮衬。