金沙角美食小厨

营业中

休息中

新春期间去亲戚屋企拜年, 然后去咗呢间很有大排档风味嘅《金沙角美食小厨》。对比传统旧式大排档, 呢度地方环境被翻新过, 更整洁企理, 设有室内同室外座位。食物款式多, 价钱合理, 而且份量大大碟, 岩哂一大班人约埋share食。【豉油皇鹅肠】HK$100鹅肠份量多, 个汁咸度刚刚好, 有少量芽菜垫底, 而鹅肠比例占多, 没有太多肥油层连带, 质地好爽。【脆皮炸大肠】HK$100大肠外层炸得微脆, 没有异味, 嫌肠内油层多咗少少。【椒盐鲜鱿】HK$138炸皮薄、酥脆而不油, 鱿鱼爽弹, 双重口感, 加上少少椒盐同炸蒜, 香口非常, 送酒一流!【豉汁蒸大鳝】HK$168鳝皮超爽滑, 鳝肉厚切爽弹兼富独有嘅鲜鱼香, 豉汁更加提鲜, 更惹味, 必食首选。【豉椒牛肉炒河】HK$85炒得有获气, 每啖入口都散发阵阵豉椒香气, 茨汁令炒河湿滑, 牛肉偏有些少口感但唔会太硬。