影片
更多
2019-12-01
147 浏览
呢间铺头可以令我第一次打食评，希望大家食呢间餐厅之前可以慎重考虑下.....我平时住开深水埗行经呢间野都无咩留意系食咩既，本身谂住去食马德里，咁岩同女朋友肚饿又见到呢间铺头未试食过又唔多人可以直接入去坐低食，咁就入去试下啰，点知就系中伏既开始.....坐低见到周围都唔多食客，谂住同女朋友舒舒服服食个high tea。我地一共叫左红汤鱼浓汤拉面，秘制猪扒菜饭，川麻鸡翼两只，生煎包4只同埋一杯豆浆。全部加埋盛惠168元以下系对各款食物既评价红汤黄鱼拉面：我叫左呢个面，其实味道同辣度都还可以，辣度相等于谭仔既2小辣左右，未去到好食既级数就系个汤底比较多油。2分秘制猪扒菜饭：女朋友叫左呢个饭，呢个猪扒饭真系经典，猪扒食落去系好甜，除左甜我已经谂唔到有咩形容旧猪扒，甜到咁既猪扒我真系第一次食，而且每旧猪扒甜度都唔一样，有其中一两旧甜到漏，食多两件都惊会有糖尿病，你仲好意思话系秘制猪扒，我地真系得啖笑。再讲下个菜饭，个饭睇落好似有味，但系食落去淡而无味，饭无饭味，菜又无菜味，真系好野。0分川麻鸡翼：盛惠$18两只鸡翼，姐系要成$9一只，仲以为收咁贵梗系有d料到，点知又系中伏。鸡翼味道其实都有d似谭
我平时住开深水埗行经呢间野都无咩留意系食咩既，本身谂住去食马德里，咁岩同女朋友肚饿又见到呢间铺头未试食过又唔多人可以直接入去坐低食，咁就入去试下啰，点知就系中伏既开始.....
坐低见到周围都唔多食客，谂住同女朋友舒舒服服食个high tea。我地一共叫左红汤鱼浓汤拉面，秘制猪扒菜饭，川麻鸡翼两只，生煎包4只同埋一杯豆浆。全部加埋盛惠168元
以下系对各款食物既评价
红汤黄鱼拉面：我叫左呢个面，其实味道同辣度都还可以，辣度相等于谭仔既2小辣左右，未去到好食既级数就系个汤底比较多油。2分
秘制猪扒菜饭：女朋友叫左呢个饭，呢个猪扒饭真系经典，猪扒食落去系好甜，除左甜我已经谂唔到有咩形容旧猪扒，甜到咁既猪扒我真系第一次食，而且每旧猪扒甜度都唔一样，有其中一两旧甜到漏，食多两件都惊会有糖尿病，你仲好意思话系秘制猪扒，我地真系得啖笑。再讲下个菜饭，个饭睇落好似有味，但系食落去淡而无味，饭无饭味，菜又无菜味，真系好野。0分
川麻鸡翼：盛惠$18两只鸡翼，姐系要成$9一只，仲以为收咁贵梗系有d料到，点知又系中伏。鸡翼味道其实都有d似谭仔既鸡翼（其实我唔系谭仔fans,只系方便做个比较）但系质素争几班，最伏既点，系其中一只鸡翼入面仲未熟嫁 究竟厨师系味求其成咁呀？仲好意思收人咁贵，真系垃圾之最比得呢个价钱，我食M记/谭仔鸡翼都比呢间垃圾既鸡翼值百倍0分
生煎包$34四只：看似呢间铺头既招牌食物，4粒生煎包味道其实都系不过不失，包内既肉汁唔算多，包皮比较厚同埋硬，未到好juicy果种，整体都只系属于普通质素，点解只算普通？因为早前同女朋友去过珠海某间食X里又系专做生煎包既铺头食，人地生煎包做得好过你坚信号多多声，皮薄馅靓肉汁多，超好食，而且印象中人地只系卖$9人仔4只，卖得贵过人，质素又差过人1分
豆浆：平平无奇却收人$12，相信已经系呢间铺头最出色既野。3分
总结：本来同女朋友心情好靓，响呢间餐厅食完餐饭之后我同女朋友心情变得十分曳，真系贴钱买难受，仲要价钱唔系平，真系唔明点解会值呢个价，原来铺头入面少客真系有原因，我好后悔入左黎食。食完几粒钟后打紧食评既时候个肚隐隐作痛，估计都系呢度d野食唔多干净
最后如果比我拣多一次，我必然唔会行入呢间伏铺食任何既野，深水埗大把好野食，又何需贴钱买难受？伏中过一次就够，我相信有生之年都唔会再食，再见。
15 浏览
0 赞好
0 留言
生煎包
$34
15 浏览
0 赞好
0 留言
20 浏览
0 赞好
0 留言
13 浏览
0 赞好
0 留言
$168
13 浏览
0 赞好
0 留言
12 浏览
0 赞好
0 留言
9 浏览
0 赞好
0 留言
张贴
