串燒王 (登龍街)

营业中

休息中

入到去呢间舖得一枱客系两个人嘅，都有啲心寒㗎啦，点知完全冇店员主动招待，叫佢过嚟仲要黑口黑面‼️牛小排同埋羊肉串硬过擦子胶，绝对系锻炼咀嚼肌嘅好帮手‼️𠮶条秘制烧鱼，哗！经典啊，鱼肉未离骨，里面系生㗎‼️我同个侍应讲条鱼未熟嘅，然后𠮶个左手带住白色面A P手表嘅人员，答咗我一声：「哦」，然后攞走咗碟嘢，冇任何交代点样处理。。。3分钟后我叫埋单，佢居然攞咗张冇扣除呢碟鱼嘅账单过嚟叫我俾钱，我叫朋友check吓账单，然后佢先至问我系咪唔要条鱼，然后佢先至出过张新单俾我，咁样嘅服务态度，咁样嘅食物质素，真系唔知佢哋用咩心态去经营，作为客户真系俾佢激死啊‼️‼️绝对系贴钱买难受‼️登龙街之耻‼️香港饮食业嘅害群之马‼️仲有佢冇俾返张收据我，而将Credit卡嘅receipt上面嘅商户名称居然系红磡嘅一间唔知咩舖头，非常古怪‼️如果食物中毒真系唔知点样追究啦⁉️⁉️