山本屋 (圍方)

营业中

休息中

今日11点去排队食山本家，食第一转，排半小时可入座， 先来左天妇罗虾，皮厚，够热，但天妇罗汁无味无萝卜溶，不正宗。 然后来乌冬，听讲是手打的，我是专程过来一试，在openrice 见到差评较多，但都想比次机会，话晒咩百年老店，又有朋友话好食。好啦，入返正题，叫左亲子味增乌冬， 一夹入去， 完全无一条乌冬系长过2cm 嘅 ，成碗都系碎乌冬，同痴埋一旧旧嘅乌冬，完美演绎左猫砂沾湿左成结块嘅形状。口感好粉好硬，成碗乌冬众多小结块我真系第一次食，唔好话日本店，去茶记食最多痴埋一旧但会搞得散开。亦都唔会成碗无数小结块咁啦！ 个鸡肉，雪藏味劲重，好硬好鞋，我好后悔一早来排队食，亦唔知点解佢会成为排队店。另一碗咖哩牛肉乌冬，得2.5块牛肉，汤底味道正常，是乌冬结块混合乌冬面条，比我果碗正常返少少，但绝对唔系一间日本百年老店应有嘅品质啰！如果我唔系11:30就入去食，我会觉得自己食紧人地食剩嘅乌冬碎！而个炸豆腐， 咩事，果pat 酱完全唔知咩来，豆腐无味，又系唔知自己食紧咩…个炸菇算是正常但唔驶咁样排队食啦！