富臨漁港 (已結業)

印象中写过三十几篇食评都冇比过负评，但呢间真系不得了，话说去完朋友屋企玩，谂住一班人去打边炉吹下水咁，就揾到观塘有呢间富临，有得任食，上到去隔离仲有一间茶楼，隔离姐姐劲好招呼叫我地入去，但因为我地见呢到有墨鱼仔，所以就冲左入去，点知就系伏嘅开始！首先饮品选择小到喊，得百事可乐同埋7 喜，美莲达同埋一喳喳淡到好似水咁嘅酸梅汤！跟住拎酱料嘅地方劲污糟劲多嘢「嬲」，佢加埋先得六样拣，就系豉油沙嗲酱辣椒蒜蓉葱𠮶啲咁，啲葱同蒜蓉仲要好似冇切过咁，全部劲大粒！叫咗猪骨汤底，淡过水，食到一半我哋忍唔住出去拎啲沙嗲酱倒落个汤底度先觉得正常返少少！食物方面，鹅肠苦嘅，牛柏叶完全冇味道，为咗墨鱼仔入嚟但叫极都唔嚟，其实佢直接同我地讲话无仲无咁嬲，芝士肠同啲丸好正常，我哋一路食一路赞芝士肠同丸，因为其他真系好难食，最后唯有食啲公仔面同乌冬饱肚！成间酒楼客人唔多，员工好多，但啲员工全部都企喺度唔知做紧乜，我哋叫咗嘢食好耐都唔嚟，忍唔住催，跟住个员工入去厨房拎，一拎就拎左好多出嚟，其实即系根本已经一早执好晒，但就无人去拎，其实任饮任食打边炉收百几蚊都唔会要求好多，但呢间野真系比百几都觉得蚀！