Nambu

营业中

休息中

系门口见到装修几靓，睇set lunch 都系百几蚊价钱合理就入左去。叫左个set lunch 滑蛋猪扒饭，一百三十八蚊，出到黎啲猪扒腌过龙，好咸，港式茶记腌料味道。滑蛋猪扒饭应有既甜味食唔到，收呢个价仲要系薄切猪扒，完全系茶餐厅扮日本菜。食咗几啖，忍唔住要影返张相，上嚟写食评。喺张相度都见到，块猪扒肉色偏深色，明显系腌咗好耐。另外叫左个究极海之幸海鲜丼，啲鱼生份量够既，但鱼生好腥，醋饭亦唔够味，整到个饭都好腥，质素只系去到争鲜或鱼尚水平。呢个冇影到相。总结系不可一不可再，最后收埋加一埋单两位326 ，虽然唔系贵，但系俾啲诚意好㖞。另外讲一下服务，个日式蒸蛋，食都未食侍应就想收，唔使咁心急啦。