文輝墨魚丸大王 (已結業)

星期日想喺中环食碗面都排晒大队， 几间出名嘅面店都要等位。因为赶时间， 唯有去咗呢间冇人排队，兼有位净嘅文辉墨鱼丸大王食碗面， 谂住快靓正， 点知....既然呢度叫墨鱼丸大王咁把炮, 走嗌碗紫菜墨丸河试下， 以为冇死啦， 点知伏已中。 同阿姐落单𠮶阵谂住叫佢加腩汁， 点知加腩汁原来要收两蚊， 乜咁小家都有㗎， 条气唔顺，所以冇加。一上枱碗墨丸河 一睇啲色水就知唔好食， 个汤基本上系滚水加少少盐， 虽然个河粉几滑， 不过粒墨丸就真系令人大失所望， 既唔弹牙， 亦唔爽口， 食落仲好多粉， 质素方面同佳X 买到嘅差唔多。枉佢仲打正招牌卖墨丸， 原来质素咁差， 一定冇下次。