文輝墨魚丸大王 (已結業)

文輝想係中環食平嘢？老老實實，冇乜幾多間又平又好食，話曬中環鋪租都唔平，應該係全港最貴租嘅地方。不過，難我唔到嘅，食平啲，可以選擇威靈頓街文輝墨丸大王食粉麵或飯。旁邊仲有出名嘅對手店舖（如王府，麥奀等）係度比你㨂。紫菜墨丸魚蛋粉，墨丸彈牙，好有墨魚味道。魚蛋及魚片，質素都唔錯，Q彈，有魚香味。湯底清甜，少味精。推介指數：8/10芥蘭，可選蠔油或者腩汁，菜新鮮，爽脆，菜味足夠。推介指數：7.5/10此店為老鋪經營，總店在銅鑼灣，價錢公道，當然質素不能與高級餐廳來比較，話曬都一分錢一分貨嘛。

第一次食文輝，叫了外賣，站在店出面等，不斷聽到坐近門口的收銀呼喝排隊堂食的客人，態度甚差。食物方面，叫了紫菜墨魚丸河，彈牙有墨魚粒，共有5粒，河粉很滑，但係整體來說好多味精，我無飲D湯，但食完幾個鐘仲係非常頸喝！

文輝墨魚在港島區才有，閃閃的霓虹燈跟銅鑼灣的一樣，讓人很易找到。紫菜墨魚丸麵與紫菜雙墨粉都充滿墨魚丸的鮮味，墨魚丸不似一般那些軟身，咬落真材實料又彈牙，食到少少墨魚碎粒，雙墨是指墨魚丸外，還有墨魚頭，很爽口。炸腐皮春卷和百花魚蓉都很香口，拌食一流。

食物相當一般，魚皮餃唔掂，牛肚瘀黑色，紫菜也很少，服務九流，最重要係門口道所謂自動門，人手按制開門，沒有感應器，企在中間以為會長開，點知門照關，夾到你死為止，超低能。

閒日接近中午一時，中環差不多每一間食肆都大排長龍，在酷熱的天氣下，只要有一間有冷氣又不用排隊的舖頭，便閃身即入！銅鑼灣店去過多次，但中環店還是第一次幫襯，到文輝當然是要吃與墨魚有關的食物，例如墨魚丸、墨魚頭...紫菜雙墨粉（$38）雙墨是墨魚丸和墨魚頭，墨魚丸很爽彈，可以吃到一粒粒的墨魚碎，河粉下還藏有六至七件墨魚頭，墨魚厚身，煙靭又彈牙，紫菜都很有鮮味。雙墨粉（$36）河粉份量大，有墨魚丸三粒和六至七件墨魚頭，在中環來說，這個價錢和份量都算是超值。

7月25號中午12時左右去了中環文輝食晏，同行兩位同事，舖面客人疏落，但就有伙計不准自己揀位，要由佢安排，人都未坐定就不斷問你食咩，始於同事忍唔住叫佢等等，都唔比時間睇餐牌，之後叫咗兩碗紫菜墨丸墨魚頭河，一碗紫菜墨三鮮河，當伙計放低兩碗粉之後，上面天花突然有一片曱甴翼飛落我碗粉到，我即時叫伙計幫我換， 有伙計隨想即攞匙羹走，另一個伙計話係冬菜，真係火都嚟埋，我同佢講你唔係想轉頭比返碗有問題嘅粉比我，佢話唔會，但態度奇差，佢話即比過碗我，我話你碗粉放係到，唔係想比第二個客，係我追逼之下佢地終於倒咗佢，但啲咀臉真係好差，其間亦都因為安排坐位問題 ，激走咗幾個客人，而湯底同食物嘅質素有冇銅鑼灣覺得咁好食真係好失望唔會再去。

吃完 Omakase 之後又未夠飽 , 要溝貨 , 就行去 文輝 吃碗 淨墨丸 & 淨魚皮餃 , 就是這麼簡單 ~Menu ~魚皮餃湯 $ 36 : 呷一口湯 , 味道實是偏鹹 , 真是第一個鹹字 ; 魚皮餃有6粒 , 外皮Q韌 , 內餡鹹香 , 重油份 , 好吃 ~淨墨丸湯 $ 36 : 招牌貨當然應該冇得輸 , 墨魚丸大大粒 , 一碗有6粒 , 吃落去確有墨魚味 , 也頗爽口彈牙 , 比起坊間某一些麵檔的墨魚丸確實是技高一籌 , 只不過對比起90年代來的 文輝墨魚丸來說 , 吃起上來硬是差少少 .... 就是鮮味不及往昔 , 過往文輝的墨魚丸味道真是一吃難忘 ~本篇完 ~

同事介紹下叫了 墨三鮮米粉有墨魚丸 墨魚仔 墨魚腳 同 紫菜食完仲想食 第二日的lunch又食過介紹的同事連續食左三日 哈哈墨魚丸咬落去好似海綿咁 不算太彈牙 但有鮮味墨魚仔 同 墨魚腳都好爽口 墨魚仔鮮味d 墨魚腳味會淡d整體味道都偏淡 食完亦5會覺口喝 再加少少辣椒油 同 醋 正！如果口味重的人就一定5會鍾意食呢度既粉麵。 個人口味淡 所以覺得好岩食 最驚食到d好味精既野 同埋墨魚愛好者一定要試

一直以嚟都十分喜歡銅鑼灣文輝墨魚丸 ，以前去到銅鑼灣，總係要食一碗先捨得走， 但自從自由行經常入去幫襯之後，開始質素 每況愈下 價錢就節節上升 。企堂的態度跟澳洲牛奶相比有過之而無不及， 只係channel唔同，不停講潮州話。以前份量十分足，而家碗麵連蔥都得幾粒零零碎碎 ，大不如前 。好在中環的店舖，反而 水準比以前上升了 ，企堂可能冇咁忙塊面冇銅鑼灣舖嗰啲咁黑 可以坐喺度慢慢食 ，舒服個銅鑼灣啲逼夾位。值得一提佢哋啲奶茶，只係係保溫壺裏面沖出嚟 ，但出奇地好味 所以我總係會去中環的店鋪 吃完後再加一杯奶茶

星期日想喺中環食碗麵都排曬大隊， 幾間出名嘅麵店都要等位。因為趕時間， 唯有去咗呢間冇人排隊，兼有位淨嘅文輝墨魚丸大王食碗麵， 諗住快靚正， 點知....既然呢度叫墨魚丸大王咁把炮, 走嗌碗紫菜墨丸河試下， 以為冇死啦， 點知伏已中。 同阿姐落單嗰陣諗住叫佢加腩汁， 點知加腩汁原來要收兩蚊， 乜咁小家都有㗎， 條氣唔順，所以冇加。一上枱碗墨丸河 一睇啲色水就知唔好食， 個湯基本上係滾水加少少鹽， 雖然個河粉幾滑， 不過粒墨丸就真係令人大失所望， 既唔彈牙， 亦唔爽口， 食落仲好多粉， 質素方面同佳X 買到嘅差唔多。枉佢仲打正招牌賣墨丸， 原來質素咁差， 一定冇下次。

隔離沾仔記要等位，啲阿姐又無心招呼，唯有走去附近望望啦，見到呢間文輝墨魚丸大王有位，仲要係有幾枱吉枱咁多，正喎，咁大個伏，梗係要入啦。銅鑼灣嗰間文輝十年前成日飲完酒都會去食返碗河粉先至返屋企，印像中嗰度嘅河粉係好滑溜嘅，今日嚟到呢度，見到隔離位嗰個撈好嘅沙爹牛腩撈麵咁吸引，唯有捨棄個河粉啦。點知我碟麵一嚟到就俾班朋友笑我碗麵淋 pat pat 咁，重要係螢光色，咪笑住，等我撈勻佢先，撈勻咗夾埋啲啡色嘅牛腩汁之後，果然唔見哂啲螢光色喎，跟手食一啖落口，個麵真係煮得太淋喇，就算個牛腩汁有幾好味都補救唔番，其實個牛筋係炆得好味嘅，夠淋得黎又入味，牛腩就鞋烚烚喇，完全唔惦啊。另外發現凍飲嘅飲筒比見開嗰啲好似短咗一截咁，唔知係咪有人修剪過呢？

今次有點趕，所以相影得麻麻！喺中環做完嘢，拿拿臨搵嘢食，因為非常餓lunch 都未食。經過文輝，記起之前有人強力介紹過墨三鮮，所以直奔入去試。午後人唔多，多數都係街舖sales 幫襯,一坐低menu 都無睇即叫(所以menu 都無影)很快店員就端上左我碗紫菜墨三鮮米粉碗好大隻，粉就唔算多，我估男士唔夠飽。三樣墨魚食材，墨丸、墨魚仔同墨魚鬚。我最鍾意墨魚鬚，因為非常爽口，好彈牙，相比下去墨丸同墨魚仔就無咁出色，不過都比平時出面嘅好。而且成碗粉整體都好香，有種鮮味

It was rainy day so randomly went here.The menu is the same as the CWB branch.The flat rice noodles were tasteless but there is fish sauce to make it tastier.The squid and octopus tentacles were chewy but again tasteless.Salty Seaweed soup.The yellow noodles were basically Japanese ramen noodles so I didn't like it and the satay sauce was too sweet.The noodles are a bit overpriced for that quality.

在CHICCA 剪完髮已經是 2 小時後的事, 我跟朋友耐不住肚鵝, 揀了這間在旁邊的墨魚丸大王店員都是七十多歲的老人家, 我們坐下叫了一樣, 想再想一陣再叫, 給他話要一次過點菜.....點了菜後問他要兩個碗, 因為想開心share, 點知他叫我們出去自己攞, 而當時店冇客人 我唔出去攞, 最後他竟然真的唔理我......如果是其他餐廳, 炒左佢十萬次! 不過食物上枱, 真的不得不讚!! 酥炸百花魚蓉球我們一開始以為是炸過龍了, 有點黑, 以為食落口會好硬....點知咬下很脆口, 外面原來不是麵粉, 是細的麵包粒!!! 中間是百花魚蓉, 香口彈牙!  層次很豐富香茅雞翼這是我這一年來食過最好味的雞翼! 真心讚皮炸得很脆, 好似乳鴿咁而且醃得很香, 內裡的肉仍很嫩滑 白灼太子墨這個菜色在香港不常見, 細細粒的墨魚仔熱上, 配了herbs 一齊點醋, 很香而且真的是食鮮味$38 一大碟! 平靚正說真的, 他們的店員很趕客, 如果不是食到這些美味, 我會很嬲的走!! 

我吃的是魚皮餃加紫菜河粉。很大碗。很多紫菜！魚皮餃的數目很足夠。環境也算得上清潔乾淨。以店子在中環來說，價錢是平宜了。魚皮餃的皮超厚，但肉量就很少！我還要在整碗河粉中吃到沙！