影片
更多
2022-07-02
496 浏览
Book咗6:30，谂住8号波冇乜人，咁5:45埋去问吓入唔入到啦。点知三个Staff喺门口吹水，同佢讲book咗6:30，其中一个女staff西晒面咁话稍等。过咗15分钟再问，就话可以入。我想问你系咪阻住你吹水呀？K11 MUSEA 咁嘅服务态度？喺门口同你讲，依家6:00入座，入咗起计两小时。咁我明白食到8点啦。叫人落单，个个都越叫越走，想问系咪有特别句子先会应机？等咗5分钟先有人落单，乜嘢餐厅要等5分钟？出到去混酱区，个地滑捋捋，好明显冇拖过，好似去到好旧式好污糟嘅餐厅咁。老实讲价钱唔平㗎㖞，个装修已经好似坐监咁，个地下仲要咁污糟。食到7:30，话要埋单。明白呀早半个钟，但系冇人行埋你提早讲last order，然后就直接埋单。（可能系人哋公司特色啦）7:55又有个女仔走埋嚟：要食快啲啦！就够钟啦！其实个枱面仲有大半杯嘢未饮，半盘海鲜未落。咁我听到佢咁样讲，就全部掉晒落去啦，咁都要时间滚㗎！食完饮完8:00，个女仔8:03又行埋嚟：出面人齐啦，麻烦你快啲离开啦。我睇返张单，3条友食咗2000蚊，仲要催住赶你走，出到出面，个个喺度饮紧珍珠奶茶，唔见有人等位。其实入边有吉枱，需唔需要
喺门口同你讲，依家6:00入座，入咗起计两小时。咁我明白食到8点啦。叫人落单，个个都越叫越走，想问系咪有特别句子先会应机？等咗5分钟先有人落单，乜嘢餐厅要等5分钟？
出到去混酱区，个地滑捋捋，好明显冇拖过，好似去到好旧式好污糟嘅餐厅咁。老实讲价钱唔平㗎㖞，个装修已经好似坐监咁，个地下仲要咁污糟。
食到7:30，话要埋单。明白呀早半个钟，但系冇人行埋你提早讲last order，然后就直接埋单。（可能系人哋公司特色啦）
7:55又有个女仔走埋嚟：要食快啲啦！就够钟啦！其实个枱面仲有大半杯嘢未饮，半盘海鲜未落。咁我听到佢咁样讲，就全部掉晒落去啦，咁都要时间滚㗎！
食完饮完8:00，个女仔8:03又行埋嚟：出面人齐啦，麻烦你快啲离开啦。
我睇返张单，3条友食咗2000蚊，仲要催住赶你走，出到出面，个个喺度饮紧珍珠奶茶，唔见有人等位。其实入边有吉枱，需唔需要催得咁急呢？
据我所知正常餐厅都会有5至10分钟俾人缓冲，呢间系直头要你提早走！
个锅睇落就好大，其实就好浅水，四只蛏子就冇咗一半位啦，我想渌快啲都冇啦。
想问出面人齐关我咩事？
你唔识得同个客讲等多阵执紧枱嘅？
我系咪要留时间俾你执枱？
咁我留时间俾你执枱，系咪食唔足两个钟？
张贴
