C2 Kitchen (已結業)

森美少有开名介绍食店，当然要试下，可能新开加森美介绍过，用餐当晚差不多满坐。开头饮完汤，个汤都唔错，唔系罐头汤加粉加水，但之后嘅阔条面同猪扒就伏了，饮完汤先系等左二十分钟至出阔条面，好大碟呀⋯⋯只碟，碟面份量系下午茶份量，三注食完，薄安格斯似牛肉干，最重要系所谓手工面，竟然仲差少少先熟透🤢 但同行朋友点既黑毛猪仲未到，于是我地再追单，女店员答覆系，我地叫嘅系慢煮黑毛猪，需时耐D，🤨当经过四十分钟，我地已经忍无可忍再追，同样答覆慢煮要耐D，我地忍唔到真系要爆，个慢煮究竟系煮法定系过程？🤬之后终于厨房答一分钟出到，如果只睇卖相，佢卖嘅价钱系合理，不过要等超过四十分钟，加上黑毛猪可以煮到咁「鞋」口，水准同连锁店一样，所以先够胆话中伏！另外睇左几个食评都提到女店员嘅服务，我地用餐当晚有一位疑似老板娘嘅女店员，佢同朋友吹水多过做野