尚夢・茳煳 (已結業)

一个天朗气清嘅秋日同好朋友嚟到湾仔一间餐厅，听朋友介绍呢一间餐厅系喺一年前开嘅，咁最近又重新装修过。地下𠮶一层有玻璃窗可以望到出边街景，而上多层就系比较私密嘅三间房，分为大，中，细三间房，专做私房菜，大𠮶间可容纳最多12人，午餐价每人300蚊起，晚餐就每人500蚊起，如要享用私房菜，就要预先book定。我哋两人点咗是日炖汤，系“海底椰炖鸡汤”，好耐冇试过咁好味嘅炖汤啦，清清甜甜，啖啖滋味渗入喉咙渗入心👍小菜方面点嘅系“盐烧黄花鱼”和“终极小炒皇” 因为有D肚饿，亦点咗可以饱肚嘅“桂花咸鱼蓉炒米粉”，黄花鱼好干爽好香口好脆口亦都好大条，入边的鱼肉keep到juicy，非常好；小炒皇好高质，有好多脆鱼仔，有虾球，有带子，好味；米粉系好幼细个只，唔会太油，两个女仔清晒成碟，老细最后仲送咗芝蔴糯米糍畀我哋做饭后甜品，好好人吖。