鮮入圍煮花膠雞海鮮火鍋

营业中

休息中

今日朋友特别约左出尖沙嘴食呢间鲜入围煮，佢话呢度既花胶鸡煲汤底超正，所以就黎食。一坐底我地就叫左个锅先，因为可以先饮汤，之后再慢慢落野食。 个煲黎到又真系几有睇头。 我地叫既系细煲，所以系半只鸡，但见佢只鸡都算大只，而且花胶好厚好大块。 店员会帮我地剪开只鸡，唔止汤好像5，鸡同花胶都真系好好味，多肉唔太肥，每人都饮左2，3碗汤，跟住就再叫𩠌食火锅。 我地叫左碟手切顶级安格斯牛肉，好大碟，都好新鲜。 牛肉唔会好似啲肥牛咁一食即溶，而真系几有口感，但又唔会硬，好有口感。佢地既胡椒猪肚贡丸都好特别，好香胡椒味，而入而都有一块仔猪肚，好特别。好耐冇食过牛骨髓，见佢有就好想叫黎食，渌一渌好快食得。 虽然冇牛筋咁好味，但都几易入口。 食下食下，其实佢既份量都几多，今晚真系好满足。