銘興山西刀削麵 (大同新邨) (已搬遷) 新店位置

大角咀一向多小店, 而且好多都有番咁上下质素, 依间刀削面店绝对系其一。每枱都放有自家制腌萝卜👍🏻开胃一流。花雕醉鸡热拌刀削面花雕鸡好入味, 鸡皮薄薄唔会痴住一大旧肥膏, 鸡肉嫩滑, 入口好香花雕味, 仲配埋醉蛋一只, 少少流心, 好味~热拌刀削面热拌材料有花生, 青瓜, 麻酱, 微微香辣既自家酱料, 捞埋一齐口感同味道都好夹, 麻酱香突出。 仲有亮点系我中意佢既刀削面唔会过厚, 而且口感烟韧唔会好似咬紧面粉咁!手撕鸡热拌刀削面手撕鸡属正常质素, 我地另加左鲜牛反而有惊喜, 鲜牛口感好滑, 中意佢加左姜丝落去味道更丰富!口水鸡酱汁做得好好味, 有麻有香有辣, 依只辣系好惹味, 鸡脾位大大只多肉又滑, 正!脆脆春卷春卷松脆, 味道同系酒楼食既一样!油菜大大碟翠绿油菜只系$18, 好抵。奶茶脆爆, 华田脆爆依个一定要饮呀!!好浓郁好好饮, 有时系出面食饭叫亲华田都淡到死! 重点系佢加左D脆脆令到味道更浓郁之余又有脆卜卜口感, 好邪恶, 食到尾encore左一杯!跟餐都系加$8!见到枱枱都叫就知系好野。 依间CP值坚高, D野食又大份又好食, 而且价位贴地, 值得一食再食。