窩心糖水站 (泰之味) (已搬遷) 新店位置

话说系上环食完饭，想食糖水，openrice附近先得几间，唔想又食满记于是拣左呢间完全唔popular既。系熟食中心入面。经验之谈，呢啲地方好多时都系会俾到惊喜你。所以就黎一试。一入到去揾间舖，有个姐姐已经好醒咁问我地系米食糖水，唔通好多人都黎揾佢？坐低每人嗌左一碗。腐竹银杏薏米鸡蛋糖水，好味，可惜只蛋熟得制。呢款中式糖水我真系好少见。椰汁芋头西米露，芋头煲到好淋，甜度适中，可以完全唔使咬直接饮落肚😂姜汁芝麻汤圆，即叫即整，热辣辣，超多姜。