瑞士㗎啡室

营业中

休息中

瑞士咖啡室可以话系开创先河，以瑞士鸡翼或鸡髀做主打的茶餐厅。其实都至少5年无黎，咁岩经过望到，不如怀缅下回忆。入到去见得到岁月的痕迹，睇番Menu都系𠴱几款，独有的感冒餐仲存在。我都系惯常拣鸡髀常餐，但原来而家可以㨂杂菜汤，而多士亦由普通方包转左丹麦多士。茶餐厅其中一个特色就系快，唔够十分钟就上枱。首先试杂菜汤底，系正常罗宋汤的味道，相对咸左少少，但都好多杂菜，唔洗加钱系几抵食。之后炒蛋保留到蛋汁，不过唔算滑。丹麦多士加牛油依旧咁邪恶。最后就试主角瑞士味鸡肶，食完觉得佢系用小食部卤水鸡髀式做法，长期滚住，所以够入味，不过瑞士汁甜味唔够。但系呢个造法就会令鸡肉比较鞋，好彩未去到「霉」，耐家唔算咸。整体黎讲，常餐份量好足，食物质素唔错，系附近偶然都可以一试。